Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyl basynan beri otandyq qurylys materıaldary 16%-ǵa qymbattady

2021 jyldyń 10 maýsym 2021 13:54

NUR-SULTAN. QazAqparat – Qańtar-sáýir aılarynda otandyq qurylys materıaldary 16%-ǵa qymbattaǵan. Bul týraly QR Básekelestikti qorǵaý jáne damytý agenttiginiń tóraǵasy Serik Jumanǵarın aıtty, dep habarlaıdy QazAqparat.

«Ulttyq statıstıka bıýrosynyń derekteri boıynsha 2021 jylǵy qańtar-mamyr aılarynda bastapqy turǵyn úı baǵasynyń ósýi 8%-dy qurady. Ekinshi qaıtalama turǵyn úı baǵasynyń ósýi – 13%. Otandyq qurylys materıaldarynyń baǵasyna kelsek, bıylǵy qańtar-sáýirde ósim 16% bolǵan», - dedi S. Jumanǵarın búgingi Úkimet otyrysynda.

Turǵyn úıdiń sharshy metriniń ózindik qunynyń 49%-y qurylys materıaldarynan turady, olardyń negizgileri kirpish, temirbeton buıymdary, metall konstrýktsııalar bolyp otyr.

«Jyl basynan beri baǵanyń ósýi betonǵa 12%, tsementke – 5%, (ishki naryqtyń qamtamasyz etilýi 100%), polıetılendi qubyrlarǵa – 10% (naryqtyń qamtamasyz etilýi – 86%), sılıkatty kirpishke – 6%, ishki naryqtyń qamtamasyz etilýi 50%-dyń ózinde armatýra, shyny sııaqty ımportqa táýeldi materıaldar baǵasynyń eń kóp ósýi baıqalady», - deıdi S. Jumanǵarın.

Qurylys materıaldar naryqtarynyń qatysýshylary habarlaǵandaı, qymbattaýdyń negizgi sebepteri elektr energııasynyń, magıstraldyq temirjol jelisi men janar-jaǵarmaı materıaldary qyzmetiniń kóterilýi bolǵan.


Joǵary qaraı