Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyl basynan Qazaqstan halqynyń sany qanshaǵa artty

2021 jyldyń 16 qazan 2021 23:39

NUR-SULTAN. QazAqparat – Qazaqstan halqynyń sany 19 mln 42 myń 100 adamdy qurady, dep habarlaıdy QazAqparat QR Strategııalyq josparlaý jáne reformalar agenttigi Ulttyq statıstıka bıýrosyna silteme jasap.

2021 jylǵy 1 qyrkúıektegi jaǵdaı boıynsha, elimizde halyq sany 19 mln 042 myń 100 adamdy qurady. Onyń ishinde qalada 11 mln 287 myń 400 adam (59,3%), aýylda 7 mln 754 myń 700 adam (40,7%) turady. 2020 jylǵy 1 qyrkúıekpen salystyrǵanda halyq sany 257,1 myń adamǵa nemese 1,4% ósti.

Áıelder jalpy halyq sanynyń 51,4%, erler 48,6% quraıdy.

AHAT organdary usynǵan málimetke sáıkes, 2021 jylǵy qańtar-tamyz aralyǵynda Qazaqstanda 296,5 myń shaqalaq dúnıege kelgen. Bul, 2020 jylǵy qańtar-tamyzǵa (273,4 myń adam) qaraǵanda 8,4% kóp. Atalǵan kezeńde elimizde 117,6 myń adam qaıtys boldy. Bul, 2020 jylǵy qańtar-tamyzǵa (93,1 myń adam) qaraǵanda 6% kóp.

Bıylǵy jyl basynan tamyz aıyna deıin respýblıkada 1 jasqa deıingi 2345 náreste shetinegen. Bul, ótken jylmen salystyrǵanda (2129 shetinegen náreste) 10,1% kóp.

Eske salaıyq, bıylǵy 20 maýsymda Qazaqstannyń 19 mıllıonynshy turǵyny Almaty qalasynda dúnıege kelgen bolatyn. Otbasyn QR Prezıdenti Qasym-Jomart Toqaev quttyqtady.


Joǵary qaraı