Aýa raıy
Astana 27 °S
Almaty 28 °S
valıýta baǵamy
USD 386.70
EUR 427.15
RUB 6.06
CNY 54.57

Jyl sońyna deıin jańa densaýlyq saqtaý baǵdarlamasy qabyldanady

2019 jyldyń 19 tamyz 2019 13:27

NUR-SULTAN. QazAqparat - QR Densaýlyq saqtaý mınıstrligi Densaýlyq saqtaýdy damytý respýblıkalyq ortalyǵy 2020-2025 jyldarǵa arnalǵan jańa memlekettik baǵdarlama týraly baıandady, dep habarlaıdy QazAqparat tilshisi.

Jańa baǵdarlamany QR DSM Densaýlyq saqtaýdy damytý respýblıkalyq ortalyǵy ázirlep jatyr.

«Munda «Densaýlyq týraly kodeksti» qaıta jazyp shyqtyq deýge bolady. Jáne onda kelesi jazdan bastap kúshine enetin jańa tórt ekpin kórsetilgen. Máselen, qoǵamdyq densaýlyqty qadaǵalaý qyzmeti, azamattardyń yntymaqtyq jaýapkershiligi máseleleri qozǵaldy. Bizdiń qoǵamda naýqastyń densaýlyǵyna da, onyń ómir saltyna da dáriger jaýapty. Dál osy mentalıtetti ózindik sana-sezimge almastyrǵymyz keledi. Medıtsınalyq qyzmetkerlerdiń mártebesin kóterý de - mańyzdy faktor. Elektrondy densaýlyq saqtaýdy damytýda aqparattyń qoldy bolmaýyn qamtamasyz etken jón», - dedi QR DSM Densaýlyq saqtaýdy damytý respýblıkalyq ortalyǵynyń bas dırektory Aınur Aıyphanova Respýblıkalyq densaýlyq saqtaý ortalyǵynda ótken kezdesýde.

Onyń aıtýynsha, jańa memlekettik baǵdarlama jeltoqsan aıynda bekitilip, 2020 jyly engiziledi.

«Biz eń basty úsh mindetti aıqyndadyq. Alǵash ret memlekettik baǵdarlama ǵana emes, aldaǵy alty jylǵa densaýlyq saqtaýdyń qarjylyq modelin quryp otyrmyz. Biz JІÓ shyǵyndaryn 5% deıin ulǵaıtamyz. Shyǵyndardyń basym bóligi medıtsınalyq qyzmetterge jumsalady. Biz memleketten aldaǵy birneshe jylǵa densaýlyq saqtaý shyǵyndaryn ulǵaıtýdy suradyq. Saıası turǵyda tym asqaq estilgenimen, Prezıdent qoldady», - dedi A. Aıyphanova.


Joǵary qaraı