Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jyldyq ósim - 2 paıyz: Dári-dármek baǵasy qaltaǵa salmaq saldy ma

2021 jyldyń 30 qarasha 2021 17:01

NUR-SULTAN. QazAqparat – Osy jyldyń qazanynda Qazaqstanda dári-dármek, emdeýge arnalǵan quraldar-jabdyqtar men apparatýralar 1 aıdyń ishinde 0,4, al jyl ishinde 2,4 paıyzǵa qymbattady, dep habarlaıdy QazAqparat tilshisi Ranking.kz resýrsyna silteme jasap.

Sektordaǵy aı ishinde oryn alǵan eń joǵary ósimi Almaty (1,7 paıyz), Qostanaı (1,5) jáne Túrkistan oblystarynda (1) baıqalady.

Al jyldyq qarqynda qymbatshylyqty Aqmola men Mańǵystaý oblystarynyń (8,1 paıyz), Nur-Sultan qalasynyń (7) turǵyndary sezindi.

Baǵanyń jyldyq ósimi elimizdiń 17 óńiriniń 16-synda baıqalady. Tek Aqtóbe oblysynda ǵana baǵanyń 1,8 paıyzǵa tómendeýi tirkelgen.

QR Strategııalyq josparlaý jáne reformalar agenttigine qarasty Ulttyq statıstıka bıýrosynyń monıtorıngine kiretin dárilik zattardyń ishinde 30 ml-lik «Hılak forte» baǵasy birden 20,3 paıyzǵa qymbattap, 1,6 myń teńgege jetken.

Al 125 ml-lik «Akvalor» 9,8 paıyzǵa ósip, 2 myń teńgege, ishinde 100 dári bar 40 mg-dyq «No-shpa» 9 paıyzǵa artyp, 2,7 myń teńgege, 30 kapsýlalyq «Essentsıale forte N» 8,2 paıyzǵa qymbattap, 2,9 myń teńgege, jótelge arnalǵan 100 ml-lik «Bronhıkým-S» shárbaty 7,3 paıyzǵa artyp, 1,5 myń teńgege deıin ósken.

Sonymen qatar paratsetamol, azıtromıtsın, «Gıpotıazıd», «Veroshpıron» syndy dárilerdiń arzandaǵany baıqalady.


Joǵary qaraı