Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jylqylar sottalýshylar qazǵan jasyryn jerasty oryndaryn anyqtaýǵa kómektesýde

2021 jyldyń 5 tamyz 2021 18:10

NUR-SULTAN. QazAqparat – Qaraǵandy oblysynyń túrmesinde sottalýshylar qashyp shyǵý úshin qazǵan jasyryn jerler anyqtalýda. Mekeme qyzmetkerleri bul jumysqa jylqylardy paıdalanýda, dep habarlaıdy QazAqparat Polisia.kz saıtyna silteme jasap.

QR Іshki ister mınıstrligi Qylmystyq-atqarý júıesi komıtetiniń Qaraǵandy oblysy boıynsha departamentine qarasty AK-159/11 mekemesi rejımdik bóliminiń qyzmetkerleri 6505 áskerı bóliminiń 4-shi atqyshtar batalonynyń áskerılerimen birlesip, sottalýshylardyń kúzetilip otyrǵan nysannan qashyp ketýine jol bermeý maqsatynda, jer astynan qazylǵan jasyryn oryndardy anyqtaý úshin jylqy malyn paıdalanyp keledi.

«Osyndaı tájirıbe turaqty túrde barlyq túzeý mekemelerinde júrgizilip, abaqtydan qashýdyń jolyn kesýge kómektesedi.




Eger júrip kele jatqan janýar, kenet toqtaı qalsa, bul, qyzmetkerlerge sol jerdi muqııat tekserýge sebep týdyrady. Sebebi, jylqy jer astynda qýys, oıylǵan jerge baspaıdy», - dep málim etti AK-159/11 mekemesi rejımdik bóliminiń bastyǵy Áset Shaımerdenov.

Tekserý barysynda qazylǵan oryndar anyqtalǵan joq.


Joǵary qaraı