Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Jylýǵa qatysty Jańatastaǵy oqıǵa: Aýdan ákimi qyzmetinen ketti

2021 jyldyń 5 naýryz 2021 00:30

TARAZ. QazAqparat –Jambyl oblysy Sarysý aýdanynyń ákimi qyzmetinen bosatyldy, dep habarlaıdy QazAqparat tilshisi oblys ákimdiginiń resmı saıtyna silteme jasap.

Qazaqstan Respýblıkasy Prezıdenti Ákimshiliginiń kelisimi boıynsha Jambyl oblysy ákiminiń ókimine sáıkes, Jaqsylyqov Baqytjan Alpysuly Sarysý aýdany ákiminiń qyzmetinen bosatyldy.

Baqytjan Jaqsylyqov bul laýazymǵa ótken jyldyń 4 shildesinde taǵaıyndalǵan edi.

Eske sala ketsek, 9 aqpanda Sarysý aýdanyndaǵy Jańatas qalasynda ortalyq qazandyq isten shyǵyp, 20 myńnan astam adam úsh kún boıy jylýsyz jáne ystyq sýsyz qalǵan bolatyn. Naqtyraq aıtqanda, barlyǵy 92 kópqabatty úı jáne 40-tan astam bıýdjettik mekeme jylýdan ajyrady.

Keıin bul jaǵdaı oblys ákimi Berdibek Saparbaevtyń tóraǵalyǵymen ótken keńeste jan-jaqty talqylanyp, apatqa kináliler tıisti jazasyz qalmaıtyndyǵy aıtyldy.

Tótenshe jaǵdaıǵa qatysty arnaıy komıssııa qurylyp, zerdeleý jumystary júrgizildi.

Sondaı-aq, jýyrda ǵana oblystaǵy Merki jáne Jýaly aýdandarynyń ákimderi aýysqan edi.


Joǵary qaraı