Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Jylyoı dárigerleri vaktsına alǵan jumysshylardan PTR anyqtamasyn zańsyz talap etken

2022 jyldyń 19 mamyr 2022 15:36

ATYRAÝ. QazAqparat – Atyraý oblysynda jumysshylardan PTR anyqtamasy negizsiz talap etilgen, dep habarlaıdy QazAqparat.

Atyraý oblystyq prokýratýrasynyń baspasóz qyzmetinen málim etkendeı, normatıvtik quqyqtyq aktilerdiń zańdylyǵy únemi qadaǵalaýǵa alynyp otyr.

Máselen, bıylǵy 25 qańtarda Jylyoı aýdanynyń bas sanıtarııa dárigeri karantındi kúsheıtý jónindegi qaýlyǵa qol qoıǵan.

Atalǵan qaýlynyń talaptaryna sáıkes, epıdemıologııalyq jaǵdaı turaqtalǵanǵa deıin COVID-19 ınfektsııasyna qarsy vaktsınanyń bar-joǵyna qaramastan basqa óńirlerden Atyraý oblysyna vahtaǵa keletin adamdar turǵylyqty mekenjaıy boıynsha PTR testileýden ótýi tıis.

Onyń qorytyndysy berilgen kúnnen bastap 5 táýlikke jaramdy bolǵan.

«Alaıda talaptyń bul bóligi elimizdiń bas memlekettik sanıtarııalyq dárigeriniń qaýlysyna qaıshy keletini anyqtaldy. Atalǵan qaýlyǵa saı vahtaǵa kelgen jumysshylardyń vaktsınalaý týraly qujaty bolsa, onda PTR testileýden ótýi qajet emes. Soǵan qaramastan, aýdan aýmaǵyndaǵy barlyq uıymnyń medıtsına qyzmetkerleri Jylyoı aýdandyq bas memlekettik sanıtarııa dárigeriniń qaýlysyn basshylyqqa alyp, qaýipti indetke qarsy vaktsınalaý qujatyna qosa COVID-19 ınfektsııasyn juqtyrmaǵanyn rastaıtyn PTR anyqtamasyn negizsiz talap etken. PTR-test ádisimen tekserilý úshin zerthanalyq shyǵyndy jumys berýshiler óz qarajaty esebinen tólep otyrǵany anyqtalyp, zańdy tulǵalardyń quqyǵy buzylǵan», -dep habarlady prokýratýranyń baspasóz qyzmeti.

Osyǵan baılanysty Jylyoı aýdany prokýratýrasynyń narazylyǵy negizinde aýdandyq sanıtar dárigerdiń PTR ádisimen testileý týraly qaýlysy joıylyp, 282 kásiporyn men ondaǵy jumysshylardyń quqyǵy qorǵaldy.

Eske sala ketelik, budan buryn Atyraýda memlekettik satyp alý zańynyń talabyn buzǵan aýrýhana dırektoryna aıyppul salynǵanyn jazǵan edik.


Joǵary qaraı