Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Jyljymaly medıtsınalyq keshender jyl saıyn 1,2 mln turǵynǵa qyzmet kórsetedi

2021 jyldyń 2 naýryz 2021 11:42

NUR-SULTAN. QazAqparat – Jyljymaly medıtsınalyq keshender jyl saıyn 1,2 mln turǵynǵa qyzmet kórsetedi. Bul týraly Úkimet otyrysynda QR Densaýlyq saqtaý mınıstri Alekseı Tsoı aıtty, dep habarlaıdy QazAqparat tilshisi.

«Alǵashqy medıtsınalyq-sanıtarlyq kómekti jaqsartý úshin Dúnıejúzilik densaýlyq saqtaý uıymynyń 73-sessııasynda DDU-ǵa múshe memleketter qabyldaǵan AMSK-tiń Astana deklaratsııasy operatsııalyq tetikterin ilgeriletilýde. 2020 jyldyń 1 qańtarynan medıtsına qyzmetkerleriniń jalaqysy 30 paıyzǵa kóterildi», - dedi mınıstr.

Onyń aıtýynsha, alǵashqy medıtsınalyq-sanıtarlyq kómek dárigerlerine júktemeni tómendetý jáne patsentter úshin qoljetimdilikti arttyrý jumystary júrgizildi. Bıyl jalpy tájirıbe dárigerleriniń 480 ýchaskesi qosymsha quryldy. AMSK-niń 63 jańa nysany salyndy.

«Kóliktik medıtsına engizildi. Jyl saıyn jyljymaly medıtsınalyq keshen shalǵaıdaǵy 1 100 eldi mekenniń shamamen 1,2 mln turǵynyn qamtıdy jáne shamamen 35 myń naýqas adamdardy anyqtaıdy. 2020 jyly qosymsha 100 jyljymaly medıtsınalyq kesheni satyp alyndy. Osylaısha, qoldanystaǵy 49 keshendi esepke alǵanda olardyń jalpy sany 149-ǵa jetti», - dedi Alekseı Tsoı.


Joǵary qaraı