Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

سوعىس كەزىندە جوعالعان ادامداردى ىزدەۋ: قازاقستاندا 2 جىلدا 5 مىڭنان استام ءوتىنىش تۇسكەن

25 Сентября 2021 11:55

نۇر-سۇلتان. قازاقپارات - 2-دۇنيەجۇزىلىك سوعىسقا اتتانعان 271 مىڭ وتانداسىمىز ءىز-ءتۇزسىز جوعالىپ كەتىپتى.

بۇگىندە ولاردى ىزدەستىرۋ جۇمىسى قولعا الىندى. مايداننان ورالماعان وتانداستىرىزدى ىزدەستىرۋ جۇمىسى تۋرالى «Atamnyn Amanaty» قوعامدىق بىرلەستىگىنىڭ باسقارما ءتوراعاسى مۇرات مولداعاليەۆ ايتىپ بەردى، دەپ حابارلايدى قازاقپارات ءتىلشىسى.

«بۇگىن بىزدە ەرەكشە ءىس-شارا ءوتىپ جاتىر. دۇنيەجۇزىلىك سوعىس جىلدارىندا قازا تاپقاندار مەن حابار-وشارسىز كەتكەندەردى ىزدەۋ جۇمىستارىن ۇيىمداستىرۋدا رەسەيمەن بىرلەسۋ ءۇشىن العاش رەت جينالىپ وتىرمىز. ءبىزدىڭ بىرلەستىك 2-دۇنيەجۇزىلىك سوعىس كەزىندە ەلىمىزدەن مايدانعا اتتانىپ قازا تاپقان نەمەسە حابار-وشارسىز كەتكەن قازاقستاندىقتاردى جۇيەلى نەگىزدە ىزدەۋمەن اينالىسادى. قۇرىلعانىمىزعا 2 جىل عانا بولدى، ۇكىمەتتىك ەمەس ۇيىمبىز. ماقسات - وتان قورعاۋ جولىندا مەرت بولعان نەمەسە جوعالعان جەرلەستەرىمىزدى ىزدەپ، تابۋ جانە ولارعا تاعزىم ەتىپ، قۇرمەت كورسەتۋ»، - دەدى مۇرات مولداعاليەۆ.

ونىڭ ايتۋىنشا، كۇنىنە 30 عا جۋىق جوعالعان ادامعا قاتىستى دەرەكتەر انىقتالىپ، ولاردىڭ جاقىندارىمەن بايلانىس ورناتىلادى.

«ءبىزدىڭ قىزمەتكەرلەر ەرىكتى ءارى تەگىن تۇردە جۇمىس ىستەيدى. بىرلەستىك قۇرىلعالى 2 جىلدىڭ ىشىندە بىزگە جاقىنىن ىزدەگەن 5 مىڭنان استام ادامنان ءوتىنىش كەلىپ ءتۇستى. سونىڭ نەگىزىندە 1 مىڭنان استام ءىز-ءتۇسسىز كەنكەن جانداردىڭ اتى-ءجونىن انىقتاپ، ولاردىڭ كەيىنگى ۇرپاقتارىن تاۋىپ، ءسۇيىنشىمىزدى جەتكىزگەن جايىمىز بار»، - دەيدى ول.

اتالعان قوعامدىق بىرلەستىك ۇسىنعان ستاتيستيكاعا سۇيەنسەك، ەلىمىزدەن مايدانعا 1,5 ميلليونعا جۋىق ادام شاقىرىلىپ، ونىڭ 600 مىڭنان استامى سوعىستا قازا تاپقان.

ودان بولەك، 271 مىڭ وتانداسىمىز حابار-وشارسىز كەتىپ وتىر. بۇعان دەيىن حابارلاعانىمىزداي، جەڭىستىڭ 80 جىلدىق مەرەيتويى قارساڭىندا ەلىمىز رەسەيمەن بىرلەسىپ سوعىس كەزىندە ءىس- ءتۇسسىز جوعالىپ كەتكەن مايدانعا اتتانعان ادامداردى ىزدەپ، تابۋ جۇمىسىن قولعا الىپ جاتىر.


Ключевые слова: قوعام,
Наверх