Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

توكيو-2020: ساكەن بيبوسىنوۆ جارتىلاي فينالعا شىقتى

3 Августа 2021 15:26

توكيو. قازاقپارات - توكيو وليمپياداسىندا قازاقستاندىق ساكەن بيبوسىنوۆ (52 كەلى) جارتىلاي فينالعا شىقتى، دەپ حابارلايدى قازاقپارات ءتىلشىسى.

ول بۇگىن شيرەك فينالدا يسپانيالىق گابريەل ەسكوبارمەن قولعاپ ءتۇيىستىردى. ساكەننىڭ قارسىلاسى - گابريەل ەسكوبار 1996 -جىلدىڭ 22 - شىلدەسىندە يسپانيانىڭ لەگانەس قالاسىندا دۇنيەگە كەلگەن. بۇگىنگە دەيىن قۇرلىقتىق دودالاردا جەڭىمپازدار قاتارىنان كورىندى. ازىرگە دۇنيەجۇزىلىك دەڭگەيدە جۇلدە العان جوق. بۇگىنگى جەكپە- جەكتە ساكەن قارسىلاسىمەن تارتىستى جەكپە- جەك وتكىزدى. ناتيجەسىندە قارسىلاسىنان 3:2 ەسەبىمەن باسىم ءتۇستى.

بۇدان بۇرىن جارتىلاي فينالعا قامشىبەك قوڭقابايەۆ (91 كەلىدەن جوعارى) شىققان بولاتىن. ال ساكەن بيبوسىنوۆ ءبىرىنشى جەكپە- جەگىندە پۋەرتو- ريكودان كەلگەن يانكيەل ريۆەرانى 4:1 ەسەبىمەن جەڭسە، ودان كەيىن فرانسيالىق بيللال بەننامنان 5:0 ەسەبىمەن باسىم ءتۇستى. بۇگىن تاعى ءبىر قازاقستاندىق زاكير سافيۋللين (63 كەلى) شيرەك فينال ويىنىن وتكىزەدى.

اۆتور: ءادىلجان ۇمبەت

Ключевые слова: سپورت,
Наверх