Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

توكيو-2020: زاكير سافيۋللين جارتىلاي فينالدان تىس قالدى

3 Августа 2021 16:04

توكيو. قازاقپارات - توكيو وليمپياداسىندا قازاقستاندىق زاكير سافيۋللين (63 كەلى) جارتىلاي فينالدان تىس قالدى، دەپ حابارلايدى قازاقپارات ءتىلشىسى.

قازاقستاندىق سپورتشى بۇگىن شيرەك فينالدا اۋستراليالىق حارريسون گارسايدپەن كەزدەستى. ەكەۋىنىڭ جەكپە- جەگىندە بەس تورەشىنىڭ ۇشەۋى زاكيردىڭ باسىم ەكەندىگىن كورسەتتى. ەكىنشى راۋندتا بۇل كەرىسىنشە بولدى. وسىلايشا ءۇشىنشى راۋند ەكەۋىنىڭ تارتىستى جەكپە- جەگىمەن جالعاستى. ناتيجەسىندە تورەشى اۋستراليالىق بوكسشىنىڭ قولىن كوتەردى.

24 جاستاعى حارريسون گارسايد وليمپيادادا ءتاپ- ءتاۋىر ناتيجەگە قول جەتكىزىپ كەلەدى. العاشقى ەكى جەكپە- جەگىندە پاپۋا- جاڭا گۆينەيا ەلىنەن كەلگەن دجون ۋمە مەن ناميبيالىق يوناس يوناستى 5:0 ەسەبىمەن تىزە بۇكتىردى.

وليمپيادادا زاكير ءبىرىنشى ىرىكتەۋ كەزەڭىندە پەرۋلىك لەودان پەزونى 5:0 ەسەبىمەن جەڭسە، ودان كەيىن جاپونيالىق دايسۋكە ناريماتسۋ دەنساۋلىق جاعدايىنا بايلانىستى شارشى الاڭعا شىعۋدان باس تارتتى.

ەسكە سالساق، بيىلعى وليمپياداعا بوكستان ەرلەر قۇراماسىنان 8 سپورتشى باردى. ولاردىڭ اراسىنان زاكيردەن وزگە ساكەن بيبوسىنوۆ (52 كەلى)، قامشىبەك قوڭقابايەۆ (91 كەلىدەن جوعارى) جارتىلاي فينالعا شىقتى.

اۆتور: ءادىلجان ۇمبەت

Ключевые слова: سپورت,
Наверх