Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

جانىبەك ءالىمحان ۇلى 30 نوكاۋتى بار ەكس-چەمپيونمەن جەكپە-جەك تالاپ ەتتى

23 Июля 2021 19:15

نۇر-سۇلتان. قازاقپارات - ورتا سالماقتاعى قازاقستاندىق پروسپەكت جانىبەك ءالىمحان ۇلى (10-0، 6 ك و) وزىنە مىقتى قارسىلاستار كەرەگىن مالىمدەدى، دەپ حابارلايدى Vesti.kz.

لاس-ۆەگاستا وتكەن كەيىنگى ايقاسىندا جانىبەك بۇرىنعى الەم چەمپيونى امەريكالىق روب برانتتى (26-3، 18 ك و) جەڭگەن ەدى.

«مەن چەمپيون اتانعاندا، وزگەلەردەي بولمايمىن. تيتۋلدى جوعالتىپ الماس ءۇشىن وسال قارسىلاستارمەن جۇدىرىقتاسپايمىن. ەڭ مىقتىلارمەن ايقاسىپ، ولاردى جەڭبەكپىن. جانكۇيەرلەرگە ناعىز بوكس سىيلايمىن. مەن بيزنەسمەن ەمەسپىن. مەن بوكسشىمىن. مەن - QAZAQ STYLE!»، - دەپ جازىپتى جانىبەك تۆيتتەر جەلىسىندە.

سونىمەن قوسا، قازاقستاندىق بوكسشى پروموۋتەر بوب ارۋمنىڭ امەريكالىق روب برانتپەن جەكپە-جەك الدىندا جەڭىسكە جەتكەن جاعدايدا حايمە مۋنگيامەن (37-0، 30 ك و) جەكپە-جەك ۇيىمداستىرامىن دەگەنىن ەسىنە سالىپ، «مەن كۇتىپ ءجۇرمىن. مەن دايىنمىن» دەپ جازىپتى.

Ключевые слова: سپورت,
Наверх