Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

«7-20-25» جانە «نۇرلى جەردى» الماستىراتىن جاڭا باعدارلاما بولادى

23 Мая 2022 18:31

نۇر- سۇلتان. قازاقپارات - يندۋستريا جانە ينفراقۇرىلىمدىق دامۋ مينيسترلىگى قۇرىلىس نارىعىندا قالىپتاسقان احۋالعا بايلانىستى پىكىر ءبىلدىردى، دەپ حابارلايدى قازاقپارات.

«ۇلتتىق بانكتىڭ مالىمەتىنە سۇيەنەر بولساق، «7-20-25» جانە «نۇرلى جەر» باعدارلامالارىن جۇزەگە اسىرۋ ءۇشىن 500 ميلليارد تەڭگە قوسىمشا قارجى بار. باعدارلامالار قاراستىرىلعان قاراجات تولىق يگەرىلگەنىنشە سوزىلادى. سونىمەن قاتار قازىرگى تاڭدا جەڭىلدەتىلگەن يپوتەكالىق باعدارلامالاردىڭ اياقتالۋىنا جانە زەينەتاقى جيناعىن الۋدىڭ قىسقارۋىنا وراي بالامالى شارا رەتىندە يپوتەكالىق نەسيەلەردى سۋبسيديالاۋ تەتىگىن ەنگىزۋ قاراستىرىلۋدا.

بۇعان دەيىن جۇزەگە اسىرىلعان «نۇرلى جەر» باعدارلاماسىنداعى شارالار «قۋاتتى وڭىرلەر - ەل دامۋىنىڭ درايۆەرى» ۇلتتىق جوباسىنا قايتا ەنگىزىلگەن. وسىعان وراي، جەڭىلدەتىلگەن نەسيەلەۋ باعدارلامالارى «وتباسى بانكى» ارقىلى ودان ارمەن جۇزەگە اسىرىلاتىن بولادى»، - دەلىنگەن مينيسترلىك حابارلاماسىندا.


Ключевые слова: جاڭا قازاقستان, بيلئك جانة ساياسات,
Наверх