Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Ақмола облысында карантиндік шектеу шаралары жеңілдетілді

16 Сентября 2021 19:24

КӨКШЕТАУ. ҚазАқпарат - Ақмола облысында карантиндік шектеу шаралары жеңілдетілді. Бұл туралы жаңа қаулы қабылданды, деп хабарлайды ҚазАқпарат тілшісі.

Жаңа қаулыда мектепке дейінгі балалар мекемелерінің, ашық ауадағы аттракциондардың жұмысына рұқсат беріледі. Сонымен бір адамға кемінде 4 шаршы метр есебінен, 30 адамнан артық емес, бетперде режимі мен әлеуметтік қашықтық сақтай отырып, мешіттер, православие шіркеулері және басқа да діни объектілер аумағында, ашық ауада ұжымдық діни іс-шараларды, оның ішінде «жұма намазы», күнделікті православие дұғалары және басқаларын жүргізуге рұқсат етілген.

«Сенбі және жексенбі күндері қызметін тоқтата тұрып, жабық азық-түлік емес және азық-түлік базарлары қызметіне рұқсат беріледі. Сауда ойын-сауық орталықтары, сауда үйлері, сауда орталықтары, азық-түлік емес дүкендер, аралас тауарлар дүкендері, павильон (осы объектілерде COVID-19-ға қарсы жаппай вакцинация пункттері орналасқанына қарамастан) сенбі және жексенбі күндері жұмысын тоқтата тұрып, күшейтілген санитарлық-эпидемияға қарсы, санитарлық-профилактикалық іс-шараларды сақтай отырып жұмыс істейді. Мұндағы келушілер саны 30 пайыздан және бір келушіге 4 шаршы метрден аспауы тиіс. «Ashyq» жобасына қатысатынына қарамастан, балалар ойын алаңдары мен аттракцион қызметіне тыйым салынады», - делінген қаулыда.

Бұдан бөлек, сенбі және жексенбі күндері қызметін тоқтата тұрып, жұмыс күндері сағат 20-ға дейін фитнес орталықтары, йога орталықтары, тренажер залдары мен спорт-сауықтыру орталықтары, сауна, СПА орталықтары, бассейн қызметіне рұқсат беріледі.

Қаулы қол қойылған күнінен бастап бастап күшіне енеді.



Автор Аслан Оспанов
Ключевые слова: Карантин, Ақмола облысы,
Наверх