Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

АҚШ-та ер адам ұшақ орнынан қозғала берген сәтте секіріп кетті

5 Декабря 2021 15:04

НҰР-СҰЛТАН. ҚазАқпарат – Ер адам Аризона штатындағы Финикс Скай-Харбор халықаралық әуежайында орнынан қозғалып, ұшуға бет алған ұшақтан секірген. Бұл туралы CNN агенттігі Southwest Airlines әуе компаниясына сілтеме жасап хабарлайды.

Оқиға Колорадо-Спрингс бағытында ұшып келе жатқан 4236 рейсінде болған.

«Алдын ала мәліметтер бойынша, ұшақ келген жолаушылар үшін шығу жолдарының біріне қарай жылжып бара жатқанда, борттағы жолаушы ұшақтан (әуе кемесінің) артқы бөлігіндегі люк арқылы шыққан» - деді Southwest Airlines өкілі Дэн Лэндсон.

Содан кейін капитан ұшақты тоқтатып, авиациялық-диспетчерлік қызметті хабардар еткен. Ер адам ұшу-қону жолағына құлап, аяғын жарақаттап алған.

Әуежайда орналасқан өрт сөндіру бөлімінің өкілі Тодд Келлердің айтуынша, өзі олардың ғимараттарына жетіп, бөлмелердің біріне кірген де есікті ашпай қойған.

«Бірнеше минуттан кейін өрт сөндірушілер ер адамды есікті ашуға көндірген, содан кейін тексеріп, қажетті көмек көрсеткен және аяғын жарақаттап алған оны ауруханаға жеткізген», — деп нақтылады Келлер.


Ключевые слова: АҚШ, Оқиға, Ұшақ, Әлем,
Наверх