Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Ақтөбеде вирус жұқтыру бойынша антирекорд тіркелді

30 Июля 2021 10:50

АҚТӨБЕ. ҚазАқпарат - Ақтөбеде бір тәулікте 302 адамнан коронавирус инфикциясы анықталды. Бұл пандемия басталғалы тіркелген антирекорд болып тұр, деп хабарлайды ҚазАқпарат тілшісі.

Бір тәулікте 302 адамның ПТР сынамасы оң мән көрсетіп, науқастар дәрігер көмегіне жүгінді. Оның 244-і дерттің симптомды түріне шалдыққан. Көбі Ақтөбе қаласында. Барлық ауданда да ауырып, ауруханаға түскендер бар.
«Аурушаңдықтың өсу деңгейі 1,9% құрады. Жалпы облыста бүгінге дейін 16 196 адамның вирус жұқтырғаны ПТР сынама арқылы расталса, оның 77,5% жазылды. Қазіргі таңда үй карантиніне 6053 адам алынып, оларға медициналық бақылау жүргізілуде»,- деп хабарлады Ақтөбе облыстық санитариялық-эпидемиологиялық бақылау департаментінің баспасөз қызметі.
Еске салсақ, өңірде 2-тамыздан бастап карантин шектеуі күшейеді. Сенбі-жексенбі күндері базарлар мен сауда орындары, монша, сауна секілді бірқатар қызмет көрсету орны жабылады.


Автор Алтынай Сағындықова
Ключевые слова: Коронавирус, Ақтөбе облысы, Медицина,
Наверх