Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قاراعاندى وبلىسىندا يزرايلدىك تەحنولوگيا بويىنشا جەم- ءشوپ ءوندىرۋ جوسپارلانىپ وتىر

22 Апреля 2021 09:31

قاراعاندى. قازاقپارات - قاراعاندى وبلىسىندا «سارىارقا» ازات ەكووميكالىق ايماعىندا جاڭا زاۋىت سالۋ جوسپارلانۋدا.

يزرايلدىك ينۆەستورلاردىڭ قاتىسۋىمەن Virgin Soil Kz كومپانياسى بالىق، قۇس جانە مال ازىعىن ءوندىرۋ جوباسىن جۇزەگە اسىرادى، دەپ حابارلايدى قازاقپارات ءتىلشىسى.

تەحنولوگيانىڭ ەرەكشەلىكتەرى تۋرالى كومپانيا قۇرىلتايشىسى اندرەي نايمان وبلىس اكىمى جەڭىس قاسىمبەكپەن كەزدەسۋىندە ايتىپ بەردى.

«ءبىزدىڭ ءوندىرىس گيدروپونيالىق اگرونوميا سالاسىنداعى يزرايلدىك جانە حالىقارالىق عالىمداردىڭ كوپجىلدىق زەرتتەۋلەرىنە نەگىزدەلگەن. ونىمدەر ەكولوگيالىق تازا بولادى. جاسىل جەمدى ءوسىرۋ ءۇشىن وزدىگىنەن جاسالعان كوپ دەڭگەيلى گيدروپونيكالىق قوندىرعىلار قولدانىلادى. ازىق ءار ءتۇرلى بولادى - بالىق، قۇس جانە مال ءۇشىن. بۇل بىرەگەي كوكتەيلدەر، وندا كوپتەگەن ينگرەديەنتتەر بار: جارما، بۇرشاق جانە باسقا دا داقىلدار. ولاردىڭ قۇرامىندا ميكروەلەمەنتتەردىڭ تۇتاس كەشەنى بار»، - دەپ ءتۇسىندىردى بيزنەسمەن.

بەس قاباتتى عيماراتتا جاسىل تۇيىرشىكتى جەم وندىرەتىن كوپ دەڭگەيلى كەشەندەر - گيدروپونيكاسى بار تىك جۇيەكتەر ورنالاسادى دەپ بولجانادى. اندرەي نايماننىڭ ايتۋىنشا، تەحنولوگيا بىرەگەي، قازاقستاندا ءوندىرىستىڭ بالاماسى جوق. كومپانيا ءازىربايجاندا وسىنداي زاۋىت سالۋدا. جوبا باستاماشىلارىنىڭ مالىمەتتەرى بويىنشا، ينۆەستيتسيا 27 ميلليارد تەڭگەنى قۇرايدى، مىڭعا جۋىق جاڭا جۇمىس ورنى قۇرىلادى. قۋاتى كۇنىنە 1 000 تونناعا دەيىن جەم وندىرۋگە مۇمكىندىك بەرەدى دەپ جوسپارلانۋدا.

«ءبىز ۇلكەن قولداۋ الدىق. قاراعاندى وبلىسىندا ينۆەستورلار ءۇشىن بارلىق جاعداي جاسالعان. بارلىق ماسەلەلەر جەدەل شەشىلۋدە. جاقىن ارادا جەردى راسىمدەي الامىز. جوبالاۋدان كەيىن جەر جۇمىستارىن باستايمىز. قۇرىلىسقا وسى جىلى كىرىسۋگە دايىنبىز. ەڭ باستىسى – ا ە ا اۋماعىندا بارلىق قاجەتتى كوممۋنيكاتسيالار، تەمىر جولعا تىكەلەي قولجەتىمدىلىك بار»، - دەپ اتاپ ءوتتى اندرەي نايمان.


Ключевые слова: ايماق,
Наверх