Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

الماتىدا مىڭعا جۋىق جۇمىسشى قار تازالاپ جاتىر

22 Апреля 2021 09:20

الماتى. قازاقپارات - الماتىدا قاردىڭ تولاسسىز جاۋعانىنا ءبىر تاۋلىك بولدى. بولجام بويىنشا بۇگىن تۇستەن كەيىن توقتاۋ كەرەك، دەپ حابارلايدى قازاقپارات ءتىلشىسى.

تاۋلى جانە تاۋ بوكتەرلەرىندەگى ايماقتارعا 10-12، ال قالاعا 6-8 س م قار ءتۇستى. كوكتايعاقتىڭ الدىن الۋ ءۇشىن قار جاۋعان كەزدەن باستاپ جولدارعا، قيىلىستار مەن جولايرىقتاردىڭ كىرەبەرىسىنە، تاۋ بوكتەرى مەن تاۋلى ايماقتارعا كوكتايعاققا قارسى قوسپا سەبىلىپ، قار تازالاندى. كوكتايعاققا قارسى 243 توننا ماتەريال پايدالانىلدى. تروتۋار، جاياۋ جۇرگىنشى ايماقتارىن، قوعامدىق كولىك ايالدامالارىن، اۆتوتۇراق قالتارىستارىن، جەر ءۇستى وتكەلدەرىن جانە ورتاق پايدالانىلاتىن جەرلەردى تازارتۋ جۇرگىزىلىپ جاتىر.




قار تازالاۋعا 395 ارنايى تەحنيكا، ونىڭ ىشىندە 136 قۇم شاشاتىن تەحنيكا بار، 965 جۇمىسشى جۇمىلدىرىلعان. اۋداندىق اكىمدىكتەر مەن قالا اكىمدىگىندە قار تازالاۋدى تاۋلىك بويى باقىلايتىن كەزەكشىلىك ۇيىمداستىرىلعان.

قازگيدرومەتتىڭ بولجامى بويىنشا، جاۋىن- شاشىن 22 -ساۋىردە تۇستە سايابىرلايدى.



Ключевые слова: ايماق,
Наверх