Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ماسانشىداعى دۇنگەن ۇلتىنىڭ وكىلدەرى قازاق ءتىلىن ۇيرەنۋدە - فوتو

22 Апреля 2021 12:03

قورداي اۋدانى. قازاقپارات - بىلتىر جامبىل وبلىسىنىڭ قورداي اۋدانىنداعى ماسانشى، سورتوبە اۋىلدارىندا بولعان قاقتىعىس كەزىندە ءبىرقاتار ءۇي مەن كاسىپكەرلىك نىسانى زارداپ شەككەن ەدى.

كەيىننەن مەملەكەت تاراپىنان ولارعا قولداۋ كورسەتىلىپ، اتالعان نىساندار از ۋاقىتتىڭ ىشىندە قايتا قالپىنا كەلتىرىلدى. قازاقپارات ءتىلشىسى ءبىر جىلدان استام ۋاقىتتان كەيىن وسى ەلدى مەكەندەردى ارالاپ، اۋىل تۇرعىندارىنىڭ قازىر قالاي ءومىر ءسۇرىپ جاتقانىن ءبىلىپ قايتتى.








ماسانشى اۋىلى اۋدان ورتالىعى - قورداي كەنتىنەن 60 شاقىرىم جەردە ورنالاسقان. 2020 -جىلى اۋىل تانىماستاي وزگەردى. تابيعي گاز، اۋىز سۋ، ينتەرنەت تارتىلدى، جولدارعا اسفالت توسەلىپ، ساياباق پايدا بولدى.

«ءبىزدىڭ اۋىل قاتتى وزگەردى. ۇكىمەت رەزەرۆىنەن 575,8 ميلليون تەڭگە، ال جول كارتاسى بويىنشا 1,8 ميلليارد تەڭگە ءبولىندى. مەملەكەتكە العىس ايتامىز. اۋىلداعى 41 كوشەگە اسفالت توسەلدى. بارلىق قيراعان ۇيلەر مەن كوممەرتسيالىق نىساندار قالپىنا كەلتىرىلدى. سونداي- اق، بيىل 800 كوشەت وتىرعىزىلدى»، - دەيدى ماسانشى اۋىلدىق وكرۋگىنىڭ اكىمى رامازان ماليەۆ. ماسانشى اۋىلدىق وكرۋگىندە 19 مىڭداي حالىق بار. تۇرعىندار نەگىزىنەن جەردى وڭدەپ كۇن كورەدى.











«بىلتىر سورتوبە، اۋقاتتى، ماسانشى تۇرعىندارى 5 623 گەكتار القاپتا كوكونىس ءوسىردى. جالپى ماسانشىدا 40-قا جۋىق، ال سورتوبەدە 50-60 شارۋا قوجالىق بار. اۋداندا 135 مىڭ گەكتار ەگىس القابىمىز بولسا، ونىڭ 134 مىڭىن بيىل يگەرۋدى جوسپارلاپ وتىرمىز. مەملەكەت مينەرالدى تىڭايتقىشتار مەن ديزەل وتىنىنا، سونداي- اق قۇرال- جابدىقتارعا سۋبسيديا بەرەدى»، - دەيدى قورداي اۋداندىق اۋىل شارۋاشىلىعى ءبولىمىنىڭ باسشىسى ادىلەت قاسپاقبايەۆ.








اۋىل تۇرعىندارى، 2020 -جىلدىڭ اقپان ايىندا بولعان وقيعانى ەسكە تۇسىرگىسى كەلمەيدى. قازىر اۋىلدا ءبارى جاقسى، تىنىش ەكەنىن اتاپ ءوتتى. بۇلىنگەن دۇنيەلەرىن قايتا قالپىنا كەلتىرۋگە كومەك كورسەتكەن مەملەكەت باسشىسىنا ريزاشىلىقتارىن ءبىلدىردى. قاقتىعىس كەزىندە اۋىل تۇرعىنى ابدۋراشيد مادييەۆتىڭ باسپاناسى مەن اۋىر جۇك كولىگىنە ءورت تيگەن. اتالعان تۇرعىننىڭ ءۇيى بۇگىندە قالپىنا كەلتىرىلگەن.

«مەنىڭ ءۇيىم، جۇك جانە جەڭىل ماشينام تولىعىمەن ورتەنىپ كەتتى. مەن وتباسىممەن ۋاقىتشا باۋىرلارىمنىڭ ءۇيىن پانالادىم. مەنىڭ بالالارىم مەن نەمەرەلەرىم بار. ءبىزدىڭ ءۇيدى قالپىنا كەلتىرۋگە شامامەن 4 ميلليون تەڭگە، سونداي- اق قۇرىلىس ماتەريالدارىمەن كومەكتەسكەن مەملەكەتكە ريزامىن. وتكەن جىلدىڭ كۇزىندە ءبىز جوندەۋ جۇمىستارىن اياقتاپ، ۇيىمىزگە ورالدىق»، - دەدى ول.

ماسانشى اۋىلدىق وكرۋگى ارداگەرلەر كەڭەسىنىڭ ءتوراعاسى بەدەر دۆۋماروۆتىڭ ايتۋىنشا، قازىر حالىق قازاق ءتىلىن ۇيرەنىپ جاتىر. ونىڭ ىشىندە مەشىت يمامدارى دا بار. اقساقالدار بىرنەشە رەت باس قوستى، قازىر دوستىق قاتىناسى جاقسى جولعا قويىلعان.








«بىزدە بۇرىن ينتەرنەت بولماعان. بيىل تارتىپ بەردى. ەڭ باستىسى - اۋىلعا تابيعي گاز كەلدى. مەن ءبىزدىڭ پرەزيدەنتىمىزگە جانە ەلباسىعا، سونداي- اق جامبىل وبلىسى مەن اۋدان اكىمىنە ۇلكەن العىس ايتامىن. ءبىزدىڭ اۋىلدا وسىنداي وزگەرىستەر بولىپ جاتقانىنا حالىق وتە قۋانىشتى. بىزدە اۋىلدىق وكرۋگتە ءتورت مەكتەپ بار، ونىڭ بىرەۋى مەملەكەتتىك تىلدە 2009 -جىلى اشىلدى. بۇل قازاقستانداعى دۇنگەندەر اراسىنداعى العاشقى قازاق مەكتەبى. ءبىز مەملەكەتتىك ءتىلدى ۇيرەنىپ جاتىرمىز. ءبىزدىڭ جاستارىمىز ءبىراز ۋاقىتتان كەيىن قازاق ءتىلىن جەتىك بىلەدى دەپ ويلايمىن» ، - دەيدى اۋىل اقساقالى.





اۋىلداعى №13-ورتا مەكتەپتىڭ ديرەكتورى قامبار يمانقۇلوۆتىڭ ايتۋىنشا، اتالعان ءبىلىم وشاعىندا 936 بالا وقيدى. بۇل بالالاردىڭ ىشىندە تەك 34 بالانىڭ عانا ۇلتى قازاق. الايدا ساباق بارلىق ءبىلىم الۋشىعا قازاق تىلىندە جۇرگىزىلەدى ەكەن. بىزبەن كەزدەسۋدە اتالعان ورتا مەكتەپتىڭ 9-سىنىپ وقۋشىسى، دۇنگەن ۇلتىنىڭ وكىلى زەينەپ حيبا قازاق ءتىلىن جاقسى كورەتىنىن، قۇرمەتتەيتىنىن، سول ءۇشىن مەملەكەتتىك ءتىلدى ۇيرەنگەنىن ايتىپ، اقيىق اقىن مۇقاعالي ماقاتايەۆتىڭ ءبىر ولەڭىن وقىپ بەردى. ماسانشى اۋىلىنىڭ بايىرعى تۇرعىنى ەرعازى بوشايەۆ باق وكىلدەرىنە بۇگىندە اۋىل تۇرعىندارىنىڭ بەيبىت ءارى تاتۋ-ءتاتتى ءومىر ءسۇرىپ وتىرعانىن جەتكىزدى. اۋىلداعى جايماشۋاق تىرشىلىك جالعاسۋدا.





























اۆتور: الما مۇقانوۆا


Ключевые слова: ايماق,
Наверх