Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

اياق كيىمدەگى شۋاش ءيىسىن كەتىرۋدىڭ وڭاي جولى

22 Апреля 2021 21:58

نۇر-سۇلتان. قازاقپارات - كوكتەم كەلىپ كۇن جىلىندى. ەندى اياق تەرلەيتىنى ايتپاسا دا تۇسىنىكتى.

اياق كيىمنەن شۋاشتىڭ جاعىمسىز ءيىسى شىعىپ، ءبىراز ادامدى اۋرەگە سالاتىنى بەلگىلى. اسىرەسە ەرلەر قاۋىمى اياقتان شىققان جاعىمسىز يىستەن ارىلا الماي دال بولادى.

ەندەشە شۋاشتى كەتىرۋدىڭ قاراپايىم عانا جولىن ۇسىنباقپىز. ول ءۇشىن سىزگە بار بولعانى قالتاشا شايدىڭ ءتورت داناسى عانا كەرەك.

اياق كيىمنىڭ ءبىر سىڭارىنا ەكى قالتاشا، ەكىنشىسىنە ەكى قالتاشا سالىپ، ءبىر تاۋلىك قۇرعاق جەرگە قويىپ قويىڭىز. سۋىق جەرگە قويساڭىز ءتىپتى جاقسى.

شۋاش دەگەنىمىز نە؟ بۇل كادىمگى كۇن جىلىدا شىعاتىن باكتەريا. اياق تەرلەيدى دە اياق كيىمنىڭ ماتاسىمەن بىرگە ۇيكەلىپ، ىلعالدانادى. شۋاش سودان شىعادى. ال تازا شاي ابسوربەنت سياقتى جاعىمسىز ءيىستى سورىپ الادى دا، ورنىنا شايدىڭ جاعىمدى ءيىسى سىڭەدى.

شايدىڭ ءيىسىن اياق كيىمنىڭ ماتاسى ءسىڭدىرىپ الادى دا شۋاش سودان جوعالىپ كەتەدى.

اسا قيىن ەمەس ءتاسىل. سوندىقتان ءجيى قولدانىپ تۇرساڭىز بولادى.

massaget.kz

Ключевые слова: قوعام,
Наверх