Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

ەلوردادا دەمالىس كۇندەرى جارمەڭكە وتەدى

13 Мая 2021 15:40

نۇر-سۇلتان. قازاقپارات - ەلوردادا الداعى دەمالىس كۇندەرى اۋىل شارۋاشىلىعى ونىمدەرىنىڭ جارمەڭكەسى وتەدى، دەپ حابارلايدى قازاقپارات قالا اكىمدىگىنە سىلتەمە جاساپ.

دەمالىس كۇنگى جارمەڭكەلەر ەلوردا تۇرعىندارى اراسىندا ۇلكەن سۇرانىسقا يە. سەبەبى مۇندا ءبىرىنشى قاجەتتىلىكتەگى ازىق- تۇلىكتى نارىقتان تومەن باعامەن ساتىپ الۋعا بولادى.

17-ساۋىردە ەسىل اۋدانىندا ساۋران كوشەسى 7-ۇيدە دەمالىس كۇنگى جارمەڭكە باستالعان بولاتىن.

15-مامىردان باستاپ سارىارقا اۋدانىندا قوسشىعۇل ۇلى كوشەسى 14-ۇيدە وسىنداي جارمەڭكە وتەدى. اۋىل شارۋاشىلىعى جارمەڭكەلەرى الەۋمەتتىك ماڭىزى بار ازىق- تۇلىك تاۋارلارىنىڭ باعاسىن ۇستاپ تۇرۋ، تۇرعىندار ءۇشىن ازىق- تۇلىك ونىمىنە قولجەتىمدىلىكتى قامتاماسىز ەتۋ جانە باسەكەلەستىك ورتانى قۇرۋ ماقساتىندا وتكىزىلەدى.

جارمەڭكەگە اقمولا، قاراعاندى وبلىستارىنىڭ ەلورداعا جاقىن اۋداندارىنان شىققان وتاندىق تاۋار وندىرۋشىلەر، شارۋا جانە فەرمەرلىك قوجالىقتار، سونداي-اق، قالانىڭ جەكە كاسىپكەرلەرى قاتىسادى. الداعى جارمەڭكەگە اقمولا وبلىسىنان «ماكەنوۆا» ج ك، «كۋلكاتوۆو» ج ك، قاراعاندى وبلىسىنان «اسحات» ەت شارۋا قوجالىعى، پەتروپاۆلدان «پانچەنكو» ج ك كونديتەرلىك ونىمدەرى، «روزا» ج ك شۇجىق ونىمدەرى اكەلىنەدى.

Ключевые слова: قوعام,
Наверх