Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

زەينەتاقى زاڭناماسىنا تۇزەتۋلەر ەنگىزىلگەنى تۋرالى اقپارات جالعان - مينيسترلىك

21 Июня 2021 19:15

نۇر-سۇلتان. قازاقپارات - ەڭبەك جانە حالىقتى الەۋمەتتىك قورعاۋ مينيسترلىگى جۇمىس بەرۋشىلەردىڭ 5 پايىزدىق مىندەتتى زەينەتاقى جارنالارىن ەنگىزۋ مەرزىمى وزگەرتىلەتىنىن جوققا شىعاردى، دەپ حابارلايدى قازاقپارات.

«زەينەتاقى زاڭناماسىنا جاڭا تۇزەتۋلەر ازىرلەۋ تۋرالى ب ا ق- تا تاراتىلىپ جاتقان اقپارات شىندىققا سايكەس كەلمەيدى»، - دەپ جازىلعان مينيسترلىكتىڭ باسپا ءسوز قىزمەتى تاراتقان مالىمەتتە.

ۆەدومستۆو تاراتقان رەسمي اقپاراتقا سۇيەنسەك، ب ا ق- تا ساراپتامالىق پىكىر نەگىزىندە ەڭبەك جانە حالىقتى الەۋمەتتىك قورعاۋ مينيسترلىگى جۇمىس بەرۋشىلەردىڭ %5 مولشەرىندەگى مىندەتتى زەينەتاقى جارنالارىن ەنگىزۋ تۋرالى زاڭنامالىق تۇزەتۋلەر ازىرلەگەنى تۋرالى اقپارات تاراعان.

«2018-جىلعى 1 - قاڭتاردان باستاپ جۇمىس بەرۋشىلەردىڭ مىندەتتى زەينەتاقى جارنالارىن ەنگىزۋدى جۇزەگە اسىرۋ جوسپارلانعان بولاتىن. مەملەكەت باسشىسىنىڭ تاپسىرماسى بويىنشا 2019-جىلى زاڭنامالىق تۇزەتۋلەر قابىلداندى. ول بويىنشا جۇمىس بەرۋشىلەردىڭ مىندەتتى زەينەتاقى جارنالارىن ەنگىزۋ مەرزىمدەرى 2023-جىلعا اۋىستىرىلدى. سونداي-اق، 2019-جىلى مەملەكەت باسشىسىنىڭ تاپسىرماسى بويىنشا ق ر ۇكىمەتى جانىنان زەينەتاقى جۇيەسىن ودان ءارى دامىتۋ، ونىڭ ىشىندە ج م ز ج ەنگىزۋ ماسەلەلەرىن قاراۋ جونىندەگى جۇمىس توبى قۇرىلدى»، - دەپ جازادى مينيسترلىكتىڭ باسپا ءسوز قىزمەتى. اتالعان جۇمىس توبى ازىرلەگەن ۇسىنىستاردى مەملەكەت باسشىسى قولداعان بولاتىن.

«ۇسىنىلعان شارالاردىڭ ءبىر بولىگى زاڭنامالىق دەڭگەيدە دە، پراكتيكالىق تۇرعىدا دا ىسكە اسىرىلدى. مىسالى، 2021-جىلدان باستاپ ازاماتتارعا زەينەتاقى جيناقتارىنىڭ ءبىر بولىگىن تۇرعىن ءۇي جاعدايلارىن جاقسارتۋعا، ەمدەلۋدىڭ اقىسىن تولەۋگە، قارجى ۇيىمدارىنىڭ باسقارۋىنا بەرۋگە ماقساتتى پايدالانۋ مۇمكىندىگى بەرىلدى. قولدانىستاعى زاڭناما بويىنشا جۇمىس بەرۋشىلەر 2023-جىلدان باستاپ ءوز قاراجاتى ەسەبىنەن جۇمىسكەرلەرىنىڭ پايداسىنا جمزج اۋداراتىن بولادى. بۇل رەتتە جۇمىس بەرۋشىگە جۇكتەمە، ونىڭ ىشىندە مزج تولەنگەن سومانى سالىق سالىنعانعا دەيىنگى شەگەرىمگە جاتقىزۋ بولىگىندە سالىق كودەكسىنىڭ شەڭبەرىندە كوزدەلگەن جەڭىلدىكتەردىڭ ەسەبىنەن قولايلى دەڭگەيدە قالادى»، - دەپ جازىلعان رەسمي اقپاراتتا.

Ключевые слова: بيلئك جانة ساياسات,
Наверх