Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قاسىم- جومارت توقايەۆ وزبەكستان پرەزيدەنتىن تۋعان كۇنىمەن قۇتتىقتادى

24 Июля 2021 13:53

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ وزبەكستان پرەزيدەنتى شاۆكات ميرزيەۆپەن تەلەفون ارقىلى سويلەستى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىلارى ەكى ەل اراسىنداعى ساۋدا- ەكونوميكالىق ىنتىماقتاستىقتىڭ قارقىندى دامىپ كەلە جاتقانىن اتاپ ءوتتى. بيىلعى بەس ايدىڭ ىشىندە ەكىجاقتى ساۋدا كولەمى 46 پايىزعا ارتقان. ينۆەستيتسيالىق، كولىك- لوگيستيكالىق جوبالار جۇزەگە اسىرىلۋدا، جاڭا اۆياتسيالىق باعىتتار اشىلۋدا. قازاقستان مەن وزبەكستان حالىقارالىق، وڭىرلىك الاڭداردا ءبىر- بىرىمەن تىعىز بايلانىس جاسايدى.

قاسىم- جومارت توقايەۆ جۋىردا تاشكەنتتە وتكەن ورتالىق ازيا جانە وڭتۇستىك ازيا ەلدەرى اراسىنداعى ىنتىماقتاستىق ماسەلەلەرى جونىندەگى حالىقارالىق كونفەرەنسيانىڭ قورىتىندىلارىنا جوعارى باعا بەردى. ەكى ەل باسشىلارى اۋعانستانداعى جاعدايدى جانە ونىڭ وڭىرلىك قاۋىپسىزدىك ءۇشىن ىقتيمال سالدارىن جان- جاقتى تالقىلادى.

قاسىم- جومارت توقايەۆ پەن شاۆكات ميرزيەۆ اتالعان پروبلەما بويىنشا ورتاق تۇسىنىك بار ەكەنىن اتاپ ءوتتى. مەملەكەت باسشىسى وزبەكستان پرەزيدەنتىنىڭ قازاقستانعا جاسايتىن الداعى رەسمي ساپارى ەكى ەل اراسىنداعى ىنتىماقتاستىقتى ودان ءارى دامىتۋدا ماڭىزدى وقيعا سانالاتىنىن ايتتى. سونىمەن قاتار قاسىم- جومارت توقايەۆ شاۆكات ميرزيەۆتى تۋعان كۇنىمەن قۇتتىقتاپ، وزبەك حالقىنىڭ مويىندالعان كوشباسشىسىنا زور دەنساۋلىق، قۇت- بەرەكە جانە باۋىرلاس وزبەكستان حالقىنىڭ يگىلىگى جولىنداعى قىزمەتىنە تابىس تىلەدى.


Ключевые слова: بيلئك جانة ساياسات,
Наверх