Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

قاسىم- جومارت توقايەۆ ءۇندىستان پرەزيدەنتى رام نات كوۆيندكە كوڭىل ايتتى

25 Июля 2021 10:39

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ءۇندىستان پرەزيدەنتى رام نات كوۆيندكە كوڭىل ايتۋ جەدەلحاتىن جولدادى، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.

قازاقستان پرەزيدەنتى ماحاراشترا شتاتىندا بولعان سۋ تاسقىنى مەن لاي كوشكىنى سالدارىنان كوپتەگەن ادامنىڭ قازا تاپقانى جانە ۇيلەر مەن عيماراتتاردىڭ قيراعانى تۋرالى سۋىت حاباردى تەرەڭ كۇيزەلىسپەن قابىلدادى.

- قازاقستان حالقىنىڭ جانە جەكە ءوزىمنىڭ اتىمنان قازا بولعان ادامداردىڭ وتباسىلارىنا كوڭىل ايتامىن جانە زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. ءىز- ءتۇزسىز جوعالعان وتانداستارىڭىز ءوز وتباسىلارىنا امان- ەسەن ورالسىن. وسىنداي قيىن- قىستاۋ شاقتا ءبىز ءۇندىستان حالقىمەن بىرگەمىز، - دەلىنگەن جەدەلحاتتا. وسىعان دەيىن الاپات سۋ تاسقىنى سالدارىنان ءۇندىستاندا جۇزدەگەن ادامنىڭ قازا تاپقانىن جازعان ەدىك.

Ключевые слова: بيلئك جانة ساياسات,
Наверх