Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

گرەك- ريم كۇرەسىنەن باس باپكەر وليمپياداداعى سپورتشىلاردىڭ ويىنى ءۇشىن كەشىرىم سۇرادى

3 Августа 2021 19:48

نۇر- سۇلتان. قازاقپارات - گرەك- ريم كۇرەسىنەن قازاقستان قۇراماسىنىڭ باس باپكەرى باقتيار بايسەيىتوۆ توكيو وليمپياداسىندا سپورتشىلاردىڭ ويىنى ءۇشىن قازاقستاندىقتاردان كەشىرىم سۇرادى، دەپ حابارلايدى قازاقپارات.

«مەن مۇنداي ويىن ءۇشىن بارشا قازاقستانداعى جانكۇيەرلەردەن كەشىرىم سۇراعىم كەلەدى. شىنىمدى ايتسام، مەنىڭ وزىمە دە وتە ىڭعايسىز بولدى. ەكى جىل بۇرىن عانا كوماندانى باسقارۋعا كەلدىم. بيىل ازيا چەمپيوناتىندا ءتورت فيناليست شىققان ەدى. ءبىراق بۇل سپورت. ءبارى بولادى. تاعى دا كەشىرىم سۇرايمىن. مۇمكىن ماعان ازداعان ۋاقىت جەتپەگەن شىعار»، - دەدى باس باپكەر ورتالىق كوممۋنيكاتسيالار قىزمەتىندەگى ونلاين بريفينگىدە.

ەسكە سالا كەتسەك، 2-تامىز كۇنى 77 كەلىدە قازاقستان ساپىنان شىققان دەمەۋ جادىرايەۆ العاشقى كەزدەسۋىندە- اق جەڭىلىپ قالدى. بۇگىن 87 كەلى سالماق دارەجەسىندەگى قازاقستاندىق بالۋان نۇرسۇلتان تۇرسىنوۆ كىلەمگە شىقتى. ونىڭ العاشقى قارسىلاسى گەرمانيالىق دەنيس كۋدلا بولدى. ەكەۋارا كەزدەسۋ 4:1 ەسەبىمەن نەمىس سپورتشىسىنىڭ ەنشىسىنە شەشىلدى.

Ключевые слова: سپورت,
Наверх