Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

سەرىك ساپيەۆ وليمپيادا ويىندارى تۋرالى: ءبىز ءالى ناتيجە كورسەتەمىز

3 Августа 2021 20:45

نۇر- سۇلتان. قازاقپارات - توكيو وليمپياداسىنداعى تومەن ناتيجە ءۇشىن سپورت تۇرلەرىنىڭ باس باپكەرلەرى جاۋاپتى بولادى.

بۇل تۋرالى ق ر مادەنيەت جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ ءتوراعاسى سەرىك ساپيەۆ ايتتى، دەپ حابارلايدى قازاقپارات.

«ءار جارىستان كەيىن بىزدە تالقىلاۋ، كەڭەيتىلگەن جينالىس وتكىزىلەدى. ارينە، وسى وليمپيادادان كەيىن دە بۇل ناتيجەنىڭ سەبەپتەرى انىقتالادى. سودان كەيىن عانا قانداي شارالار قابىلداۋ كەرەكتىگىن شەشەمىز. ەگەر قاتەلىكتەر جىبەرىلسە نەمەسە ناتيجە بولماسا، شارا قابىلدايمىز. جوعارىدا ايتىپ وتكەنىمدەي، الدىن الا قورىتىندى جاساماي- اق قويايىق. ءالى باسقا دا سپورت تۇرلەرى بار. ناشار ناتيجەلەر ءۇشىن ءار سپورت بويىنشا باس جاتتىقتىرۋشىلار جاۋاپتى بولادى. ءبىز ولارعا دايىندىقتى سەنىپ تاپسىرامىز. سوندىقتان باس جاتتىقتىرۋشىلاردان تالاپ ەتىپ، ءتيىستى شەشىمدەر قابىلدايمىز»، - دەدى س. ساپيەۆ ورتالىق كوممۋنيكاتسيالار قىزمەتىندە.

«وليمپيادا ءالى ءوتىپ جاتىر. سپورتشىلارىمىزعا قولداۋ كورسەتەيىك. ءبىز ءالى ناتيجە كورسەتەمىز»، - دەپ قورىتىندىلادى س. ساپيەۆ.

ايتا كەتەيىك، توكيودا ءوتىپ جاتقان وليمپيادا ويىندارىنىڭ مەدالدار كەستەسىندە قازاقستان قورجىنىندا بۇرىنعىشا ءۇش «قولا» عانا بار. جۇلدەگەرلەر - دزيۋدوشى ەلدوس سمەتوۆ، اۋىر اتلەتتەر يگور سون جانە ءزۇلفيا چينشانلو.

Ключевые слова: سپورت,
Наверх