Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

توقايەۆ ناتاليا سلەكيشيناعا راقىمشىلىق جاسادى

4 Августа 2021 11:28

نۇر-سۇلتان. قازاقپارات - پرەزيدەنت قاسىم-جومارت توقايەۆ ناتاليا سلەكيشيناعا راقىمشىلىق جاسادى.

اقپاراتتى پرەزيدەنت جانىنداعى راقىمشىلىق جاساۋ ماسەلەلەرى جونىندەگى كوميسسيا مۇشەسى، ادام قۇقىقتارى جونىندەگى ۋاكىل ەلۆيرا ءازىموۆا راستادى، - دەپ حابارلايدى Tengrinews.kz ءتىلشىسى.

«كوپ جاعدايدا راقىمشىلىق جاساۋ كەزدەيسوق قىلمىس جاساعان ادامدارعا قولدانىلادى. ناتاليا سلەكيشينا جاعدايىندا راقىمشىلىق جاساۋ اكتىسى قۇقىق قورعاۋ ورگاندارىنىڭ قىزمەتكەرلەرى تاراپىنان وعان جاسالعان زورلىق- زومبىلىق دەرەگىن مەملەكەتتىڭ مويىنداۋىمەن دە بايلانىستى. تۇرمەدەگى زورلىق- زومبىلىق بۇكىل الەمدە ادامعا تاۋەلدى جاعدايىن قولدانا وتىرىپ، قاتىگەزدىك جاساۋ فورمالارىنىڭ ءبىرى سانالادى»، - دەدى ەلۆيرا ءازىموۆا.

قازاقستانداعى ادام قۇقىقتارى جونىندەگى ۋاكىل ناتالياعا قاتىستى بارلىق ءمان-جاي نازارعا الىنعانىن، وسىعان بايلانىستى بۇرىن سوت قىلمىستىق جازانى ورىنداۋدى كەيىنگە قالدىرۋ تۋرالى شەشىم قابىلداعانىن قوستى.

«سول كەزدەن باستاپ بەس جىل بويى ول ءوزىن ۇلگىلى انا رەتىندە كورسەتىپ، ءوز بەتىنشە جۇمىسقا ورنالاستى جانە ەكونوميكالىق تۇرعىدان ءوزىن-ءوزى قامتاماسىز ەتتى. پروباتسيالىق باقىلاۋ كەزەڭىندە ونىڭ مىنەز-قۇلقىنا شاعىمدار تۇسكەن جوق. قازاقستان پرەزيدەنتى قابىلداعان راقىمشىلىق جاساۋ اكتىسى - بۇل مەيىرىمدىلىك پەن ىزگىلىك، مەملەكەت تاراپىنان سەنىم اكتىسى»، - دەپ قوستى ەلۆيرا ءازىموۆا.

ونىڭ ايتۋىنشا، ءى ءى م تاراپىنان وسى جاعدايدان ءتيىستى ساباق الۋ وتە ماڭىزدى. مۇنداي قىلمىستارعا جول بەرمەۋ جانە ولاردى جاساعانى ءۇشىن كىنالىلەردى قاتاڭ جازالاۋ شارالارى قابىلدانادى.

«قازىرگى ۋاقىتتا ءى ءى م تۇبەگەيلى رەفورمالاردى، سونىڭ ىشىندە پەنيتەنسيارلىق جۇيە ىسكە اسىپ جاتىر. جۇرگىزىلىپ جاتقان رەفورمالار ازاماتتاردىڭ قادىر-قاسيەتىنە قول سۇعۋدىڭ مۇنداي جاعدايلارىن بولدىرماۋعا مۇمكىندىك بەرەدى دەپ ۇمىتتەنەمىز»، - دەپ قورىتىندىلادى ومبۋدسمەن.





2015 -جىلدىڭ مامىرىندا ناتاليا سلەكيشين سەگىز جىلعا باس بوستاندىعىنان ايىرىلعان. ول «ءىرى مولشەردە مۇلىكتى ۇرلاۋ ءۇشىن جاسالعان قاراقشىلىق» بابى بويىنشا كىنالى دەپ تانىلعان.

اباقتى ساقشىلارىنان زورلاندىم دەگەن سلەكيشينانىڭ ءوزى نە ءۇشىن سوتتالعان؟

سول جىلدىڭ قازانىندا سلەكيشينا كولونيا قىزمەتكەرى رۋسلان حاكيموۆ زورلاعانىن ايتتى. 2016 -جىلدىڭ جازىندا ول بوسانىپ، قىز تۋدى. رۋسلان حاكيموۆ 9 جىلعا سوتتالدى.

2017 -جىلدىڭ 3-اقپانىندا ناتاليا سلەكيشينا بوستاندىققا شىقتى، ويتكەنى جەلتوقساننىڭ سوڭىندا ىلە اۋداندىق سوتى ايەلدىڭ جازاسىن وتەۋ مەرزىمىن بەس جىلعا كەيىنگە قالدىردى.


Ключевые слова: بيلئك جانة ساياسات,
Наверх