Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

مەملەكەت باسشىسى الماتى وبلىسى مەن الماتى قالاسى اكىمدەرىنىڭ ەسەبىن تىڭدادى

4 Августа 2021 19:34

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ الماتى وبلىسى مەن الماتى قالاسى اكىمدەرىنىڭ ەسەبىن تىڭدادى. بۇل تۋرالى پرەزيدەنتتىڭ باسپا ءسوز حاتشىسى ءمالىم ەتتى، دەپ حابارلايدى قازاقپارات.

پرەزيدەنتكە الماتى وبلىسىنىڭ بيىلعى ءبىرىنشى جارتىجىلدىقتاعى الەۋمەتتىك- ەكونوميكالىق دامۋى جونىندە تەلەفون ارقىلى باياندالدى. اماندىق باتالوۆتىڭ ايتۋىنشا، نەگىزگى سالالاردىڭ بارلىعىندا ءوسىم قامتاماسىز ەتىلىپ، قىسقا مەرزىمدى ەكونوميكا كورسەتكىشى 109,4 پايىز بولعان. قاسىم- جومارت توقايەۆقا ايماقتاعى ەپيدەميولوگيالىق جاعداي تۋرالى مالىمەت بەرىلدى. وبلىس اكىمى سوڭعى اپتا ىشىندە كوروناۆيرۋس ىندەتىن جۇقتىرعانداردىڭ سانى 1 پايىزدان اسپاعانىن جەتكىزدى. وڭىردە 4 مىڭ توسەك- ورىن قاراستىرىلعان. جۇقپالى ىندەت ستاتسيونارىنىڭ 55,8 پايىزىندا، جانساقتاۋ بولىمدەرىندەگى ورىنداردىڭ 13 پايىزىندا ناۋقاستار ەم قابىلداپ جاتىر.

مەملەكەت باسشىسى سونىمەن قاتار، تۇرعىنداردى اۋىز سۋمەن قامتاماسىز ەتۋ تۋرالى مالىمەت الدى. اكىم وبلىستا ورتالىقتانعان سۋمەن قامتۋ 98,3 پايىز بولعانىن جانە بۇل ەلىمىز بويىنشا ەڭ جوعارعى كورسەتكىشتەردىڭ ءبىرى ەكەنىن ايتتى. بيىل 7 اۋىلعا سۋ قۇبىرىن تارتىپ، 11 ەلدى مەكەندى تازا اۋىز سۋمەن قامتۋ ارقىلى كورسەتكىشتى 99,5 پايىزعا جەتكىزۋ جوسپارلانىپ وتىر. بۇل جوباعا 10,9 ميلليارد تەڭگە قارجى قاراستىرىلعان. الداعى بەس جىلدىڭ ىشىندە تاعى 33 اۋىل اۋىز سۋمەن قامتاماسىز ەتىلىپ، 72 ەلدى مەكەندە جەلىلەردى قايتا قالپىنا كەلتىرۋ جۇمىستارى جۇرگىزىلەدى.

پرەزيدەنتكە اماندىق باتالوۆ ءۇشارال قالاسىنداعى اۋەجايدىڭ ۇشىپ- قونۋ جولاعىن جوندەۋ جۇمىسىنىڭ، الاكول جاعالاۋىنداعى سۋ تازارتۋ قۇرىلعىلارى قۇرىلىسىنىڭ باستالعانىن جانە اۋىل اكىمدەرى سايلاۋىنىڭ قورىتىندىسى تۋرالى ايتتى. قاسىم- جومارت توقايەۆ بۇقارالىق سپورتتى دامىتۋعا جانە ىشكى ءتۋريزمدى ىلگەرىلەتۋگە ەرەكشە كوڭىل ءبولۋدى تاپسىردى.

بۇدان كەيىن مەملەكەت باسشىسى الماتى قالاسىنىڭ اكىمى باقىتجان ساعىنتايەۆپەن شاھارداعى كوروناۆيرۋس ىندەتىنىڭ تارالۋىنا قارسى اتقارىلىپ جاتقان شارالار مەن قالانىڭ ينفراقۇرىلىمىن دامىتۋ ماسەلەلەرىن تەلەفون ارقىلى تالقىلادى. باقىتجان ساعىنتايەۆتىڭ ايتۋىنشا، «دەلتا» شتامىنىڭ تارالۋىنا بايلانىستى الماتى قالاسىنداعى ەپيدەميولوگيالىق جاعداي كۇردەلى بولىپ تۇر. وتكەن اپتادا ىندەت جۇقتىرۋ 1,4 ەسە ارتىپ، 7 936 دان 10 805 كە جەتكەن. ءبىر تاۋلىكتە ۆيرۋس جۇقتىرۋ 1,4 پايىزعا كوبەيگەن. سوڭعى تاۋلىكتە جاڭادان 1558 ناۋقاس تىركەلسە، ولاردىڭ 1480 ىندە ىندەتتىڭ بەلگىلەرى بار. ناۋقاستار سانىنىڭ ارتۋىنا بايلانىستى قوسىمشا جۇقپالى اۋرۋلار اۋرۋحانالارى اشىلۋدا. قازىر 7625 ناۋقاس ەم قابىلداپ جاتىر، 2400 ورىندىق توسەك- ورىن قورى جاساقتالدى.

قالانىڭ ءدارىحانا جەلىسىن ءدارى- دارمەكپەن قامتاماسىز ەتۋ ماقساتىندا 5 ميلليارد تەڭگە كولەمىندە تۇراقتاندىرۋ قورى قۇرىلدى. 68 ءتۇرلى ءدارى- دارمەكتىڭ قاجەتتى مولشەرى جاساقتالدى. قالانىڭ مەديتسينالىق ۇيىمدارى ءدارى- دارمەك پەن جەكە قورعانىش قۇرالدارىنىڭ ەكى ايلىق قورىمەن قامتاماسىز ەتىلگەن. تۇرعىندارعا جاپپاي ەكپە سالۋ جالعاسىپ جاتىر.

قالادا 167 ۆاكسينا سالۋ پۋنكتى جۇمىس ىستەپ تۇر. 4 تامىزداعى جاعداي بويىنشا 740487 ادامعا ەكپەنىڭ ءبىرىنشى كومپونەنتى، 545954 تۇرعىنعا ەكىنشى كومپونەنتى سالىنعان.

مەملەكەت باسشىسى الماتى قالاسىنىڭ اكىمىنە كوروناۆيرۋس ىندەتىنىڭ تارالۋىنا جول بەرمەۋ بويىنشا جۇمىستى كۇشەيتۋدى جانە شەكتەۋ شارالارىنىڭ ساقتالۋىن قاتاڭ باقىلاۋعا الۋ جونىندە تاپسىرما بەردى.

اڭگىمەلەسۋ بارىسىندا باقىتجان ساعىنتايەۆ قاسىم- جومارت توقايەۆقا ناۋرىزباي اۋدانىنا قوسىلعان ىقشام اۋداندارداعى تۇرعىنداردى ساپالى اۋىز سۋمەن قامتاماسىز ەتۋ جانە اباي داڭعىلىن قالا شەكاراسىنا دەيىن ۇزارتۋ جونىندە باياندادى. سونىمەن قاتار قالانىڭ تاريحي ورتالىعىنداعى قۇرىلىستاردى شەكتەۋ ماسەلەلەرى كوتەرىلدى.

Ключевые слова: بيلئك جانة ساياسات,
Наверх