Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

اسقار مامين الماتى وبلىسىنداعى ەكونوميكا سالالارىنىڭ دامۋىن تەكسەردى

17 Сентября 2021 17:30

الماتى وبلىسى. قازاقپارات – ق ر پرەمەر- ءمينيسترى اسقار مامين الماتى وبلىسىنا جۇمىس ساپارى اياسىندا ءوڭىردىڭ ا و ك، كولىك- لوگيستيكا، فارماتسيەۆتيكا، تۋريزم جانە باسقا دا ەكونوميكا سالالارىنىڭ دامۋىن تەكسەردى، سونداي- اق جاڭا ينۆەستيتسيالىق جوبالاردى ىسكە اسىرۋدى باستاپ بەردى.

بۇل تۋرالى قازاقپارات ۇكىمەتتىڭ سايتىنا سىلتەمە جاساپ حابارلايدى.

ىلە اۋدانىنىڭ «بەرەكە» يندۋستريالىق ايماعىندا ۇكىمەت باسشىسى «FRUIT ART» ج ش س ەكسپورتتىق جەمىس- جيدەك كلاستەرىنىڭ ينفراقۇرىلىمىن سالۋدى باستاپ بەردى.





كاسىپورىنعا گاز ورتاسى رەتتەلەتىن، 15 مىڭ توننا ءونىم سىياتىن جەمىس ساقتاۋ قويماسى، تاۋلىگىنە 200 توننا شيكىزاتتى قايتا وڭدەۋ قۋاتى بار جەمىستەر مەن جيدەكتەردى سۋبليماتسيالىق كەپتىرۋ زاۋىتى، سونداي- اق 9 گ ا الاڭدا جىلىنا 1800 توننا قۇلپىناي جانە 900 توننا سالاتتى جىل بويى وسىرەتىن جىلىجاي كەشەنى كىرەدى.

ءبىرىنشى كەزەڭدە ينۆەستيتسيالاردىڭ جالپى كولەمى 34 ميلليارد تەڭگەنى قۇرايدى، ونى 2022 -جىلى پايدالانۋعا بەرۋ كوزدەلگەن. ءونىمدى ءوندىرۋ جانە قايتا وڭدەۋ ە و جانە ا ق ش ەلدەرىنىڭ يننوۆاتسيالىق تەحنولوگيالارى بويىنشا جۇزەگە اسىرىلاتىن بولادى. 500 تۇراقتى جانە 7500 ماۋسىمدىق جۇمىس ورنى اشىلادى. جوبانى ىسكە اسىرۋ ەلدىڭ يمپورتقا تاۋەلدىلىگىن الما بويىنشا % 5- عا، جيدەكتەر بويىنشا % 100- عا تومەندەتۋگە جول اشادى. ىشكى نارىققا جەتكىزۋمەن قاتار، كاسىپورىن ونىمدەرى شەتەلگە، ونىڭ ىشىندە ەۋروپالىق وداق ەلدەرىنە ەكسپورتتالاتىن بولادى.





قاپشاعاي قالاسىندا ۇكىمەت باسشىسى تەڭىز بالىعىن وسىرەتىن «وسپانوۆا ديەۆەلوپمەنت» ج ش س بالىق ونەركاسىبى كەشەنىن سالۋ جوباسىنىڭ ىسكە اسىرىلۋ بارىسىن تەكسەردى. جوبالىق قۋاتى جىلىنا 10 مىڭ تونناعا دەيىن بالىقتى قۇرايدى. جوبانىڭ قۇنى - 67,3 ميلليارد تەڭگە، ءبىرىنشى كەزەڭدى ىسكە اسىرۋ مەرزىمى - 2022 -جىل.

پرەمەر- مينيسترگە الماتى وبلىسىندا 2025 -جىلعا دەيىنگى كەزەڭگە ارنالعان قانت سالاسىن دامىتۋ جوسپارلارى تۋرالى باياندالدى. سۋارمالى جەرلەردى كەڭەيتۋ ەسەبىنەن قانت قىزىلشاسىنىڭ ەگىس الاڭدارى 3,3 ەسە 53 مىڭ گەكتارعا دەيىن ۇلعايتىلادى. سۋ ۇنەمدەۋ تەحنولوگيالارىن قولدانۋ جالپى ءونىم جيناۋ ءوسىمىن 3,6 ەسە 2 ميلليون تونناعا دەيىن قامتاماسىز ەتەدى.





ۇكىمەت باسشىسىنا جالپى حالىق سانى 220 مىڭ ادامدى قۇرايتىن الماتى قالاسىنىڭ ءتورت سەرىكتەس قالاسى قۇرىلىسىنىڭ جوباسى - «G4 City» تانىستىرىلدى. ءبىرىنشى كەزەڭدە 2370 گ ا اۋماقتا جوبالىق حالىق سانى 60 مىڭ ادامدى قۇرايتىن 1,4 ميلليون شارشى مەتر تۇرعىن ۇيمەن «Gate City» سالىنادى.

پانفيلوۆ اۋدانىندا پرەمەر- مينيستر قازاقستان- قىتاي شەكاراسىنداعى «نۇر جولى» وتكىزۋ پۋنكتىندە بولىپ، «قورعاس - شىعىس قاقپاسى» ا ە ا كولىكتىك جانە لوگيستيكالىق ينفراقۇرىلىمىنىڭ دامۋىمەن، قۇرعاق پورت وپەراتورىنىڭ قىزمەتىمەن، «قازپوشتا» ا ق بوند قويماسىنىڭ جۇمىسىمەن، سونداي- اق ا ە ا- نىڭ پەرسپەكتيۆالىق ينۆەستيتسيالىق جوبالارىمەن تانىستى.

قاراساي اۋدانىنىڭ اباي اۋىلىندا پرەمەر- مينيستر يممۋنوبيولوگيالىق پرەپاراتتار شىعاراتىن «انتيگەن» ع و ك» ج ش س جوباسىمەن تانىستى. سونداي- اق كاسىپورىن الاڭىندا ايىنا «QazVaq» ۆاكسيناسىنىڭ 1 ميلليون دوزاسىنا دەيىن قۇيۋ بويىنشا حالىقارالىق ستاندارتتارعا سايكەس كەلەتىن جەلى ۇيىمداستىرىلعان.





«كولساي كولدەرى» جانە «التىن ەمەل» مەملەكەتتىك ۇلتتىق تابيعي پاركتەرىن ارالاۋ بارىسىندا پرەمەر- مينيسترگە الماتى وبلىسىندا تۋريزمدى دامىتۋ شارالارى تۋرالى باياندالدى. بيىلعى جىلدىڭ 8-ايىندا الماتى وبلىسىنىڭ ەكونوميكاسىنىڭ بارلىق نەگىزگى سالالارى بويىنشا ءوسىم، ونىڭ ىشىندە ونەركاسىپتە - % 13,8، اۋىل شارۋاشىلىعىندا - % 1,1 ءوسىم قامتاماسىز ەتىلدى. قۇرىلىس جۇمىستارىنىڭ كولەمى وتكەن جىلدىڭ سايكەس كەزەڭىمەن سالىستىرعاندا % 16,6- عا ارتتى. 663,5 مىڭ شارشى مەتر تۇرعىن ءۇي پايدالانۋعا بەرىلدى. وڭىرگە 369,9 ميلليارد تەڭگە ينۆەستيتسيا تارتىلدى.

جۇمىس ساپارىنا الماتى وبلىسىنىڭ اكىمى اماندىق باتالوۆ، يندۋستريا جانە ينفراقۇرىلىمدىق دامۋ ءمينيسترى بەيبىت اتامقۇلوۆ، ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ، ەنەرگەتيكا ءمينيسترى ماعزۇم مىرزاعاليەۆ، دەنساۋلىق ساقتاۋ ءمينيسترى الەكسەي سوي، «سامۇرىق- قازىنا» ا ق باسقارما ءتوراعاسى الماسادام ساتقاليەۆ، «بايتەرەك» ۇ ب ح» ا ق باسقارما ءتوراعاسى ايدار ءارىپحانوۆ، اۋىل شارۋاشىلىعى ءبىرىنشى ۆيتسە- ءمينيسترى ايداربەك ساپاروۆ، مادەنيەت جانە سپورت ۆيسە- ءمينيسترى عابيدوللا ءابدىراحىموۆ جانە ت. ب. قاتىستى.


Ключевые слова: بيلئك جانة ساياسات,
Наверх