Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

وقۋشىلاردىڭ حيميا پانىنە دەگەن قىزىعۋشىلىعىن قالاي ارتتىرۋعا بولادى

18 Октября 2021 11:39

الماتى. قازاقپارات- الماتىلىق تيكتوكەر مۇعالىم ۇلان ۇسەنوۆ قازاقپارات تىلشىسىنە وقۋشىلارعا حيميا ءپانىن قىزىقتى وتكىزۋدىڭ زاماناۋي ءادىسى تۋرالى ايتىپ بەردى.

جاس پەدوگوگتىڭ جاڭا تەحنولوگيانى يەگەرىپ قانا قويماي، وقۋشىلارعا ەڭ قيىن ءپاننىڭ فورمۋلالارىن ۇسىنعانى كوپشىلىكتىڭ كوڭىلىنەن شىعىپ جاتىر.

«شىنىمدى ايتسام مەن تيكتوكتىڭ بەلسەندى قولدانۋشىسىمىن. باستاپقىدا ونى باقىلاپ، ءبىراز زەرتتەپ كوردىم. كەيىن تيكتوك ارقىلى ساباق وتكىزۋ ءتيىمدى ەكەنىن ءتۇسىندىم. ويتكەنى بۇل پلاتفورما ادالدىق پەن شىنايىلىققا شاقىرادى. مەن انيمەنى جاقسى كورەمىن جانە وسى ەكى نارسەنى بىرىكتىرۋ تۋرالى شەشىم قابىلدادىم. ناتيجەسى مەن ويلاعانان دا جاقسى بولدى. ءقازىر الماتىداعى جەكە مەكتەپتە حيميا پانىنەن ساباق بەرەمىن. بۇعان دەيىن تالدىقورعان قالاسىنداعى نازاربايەۆ زياتكەرلىك مەكتەبىندە جۇمىس ىستەدىم. ەڭبەك ءوتىلىم - 7جىل»، - دەيدى حيميا ءپانىنىڭ مۇعالىمى ۇلان ۇسەنوۆ.

ونىڭ ايتۋىنشا، وقۋشىلار حيميا ءپانىن جاقسى كورىپ، تەز ءتۇسىنۋ ءۇشىن ساباقتى قىزىقتى ءارى ۇعىنىقتى تىلدە وتكىزۋ كەرەك.

«حيميا - بۇل وتە قاراپايىم ساباق. ماسەلە مىنادا، بالاعا حيميالىق ەلەمەنتتەردى جاتتاۋ مەن ونى ءتۇسىنۋ قيىنعا تۇسەدى. سوندىقتان وقۋشىلاردىڭ حيميا پانىنە دەگەن قىزىعۋشىلىعىن حيميالىق تاجىريبەلەر جاساۋ ارقىلى ارتتىرۋعا بولادى»، - دەيدى سپيكەر.

سونىمەن قاتار، ول كيبەرپەدوگوگيكا، ساندىق تەحنولوگيا قازىرگى ۇرپاققا قاجەت ەكەنىن تىلگە تيەك ەتتى.

«كيبەرپەداگوگيكا - بۇل جاڭاشىل پەداگوگيكا، وندا مۇعالىم باستى تۇلعا. بۇل تسيفرلىق تەحنولوگيانى قولدانۋ. قازىرگى وقۋشىلار مەن اتا- انالاردىڭ دەنى تيكتوكتا وتىرادى. ارينە، وقۋشىلارمەن كوزبە- كوز وتىرىپ ساباق بەرگەن ءتيىمدى، سول سەبەپتى ونلايندى دا، وففلايندى دا قاتار الىپ جۇرگەن ءجون»، - دەيدى ول.

ۇلان ۇسەنوۆ ءسوز اراسىندا العا قويعان جوسپارلارى تۋرالى ايتتى.

«مەكتەپتە ساباق بەرۋدى جالعاستىرا بەرەمىن. ءبىراق، العا قويعان ماقساتتارىم بار. ەندىگى جوسپارىم الماتىدا وقۋعا مۇمكىندىگى جوق بالالارعا وسى ءپاندى ءتۇسىنۋدى جەڭىلدەتۋگە كومەكتەسەتىن جاڭا ساباق سەرياسىن نەمەسە رەسۋرس جاساماقپىن. ويتكەنى ءىرى قالالاردا مەكتەپتەردىڭ جاعدايى وتە جاقسى. ءبىراق اۋىلداعى بالالاردى دا ەستەن شىعارماۋىمىز كەرەك»، - دەيدى جاس ۇستاز.

سپيكەردىڭ سوزىنشە، ءبىلىم سالاسىنداعى جاڭا ادىستەر مەن تەحنولوگيالار - زامان تالابى.

«ءبىلىم سالاسىندا جاڭا ادىستەر مەن تەحنولوگيالار پايدا بولدى. ەگەر ەسكىنىڭ ءبارى جۇمىس ىستەسە، جاڭاسى پايدا بولماس ەدى. بۇل - زامان تالابى. وسكەلەڭ ۇرپاق، اتاپ ايتقاندا، وقۋشىلار وزگەشە كوزقاراستى تالاپ ەتەدى. قازىر تەحنولوگيا زامانى. سوندىقتان وقۋشىلارمەن وسى زامانعا ساي جۇمىس ىستەۋ كەرەك. نەگىزى قاشىقتان وقىتۋ بۇرىننان بار. ونى كوبىنە جوعارى وقۋ ورىندارىنىڭ پروفەسسورلارى لەكتسيا وقىعاندا قولدانادى. كەيىن پاندەمياعا بايلانىستى ءبىلىم بەرۋ سالاسى تولىق سوعان كوشتى. بۇل وقىتۋدىڭ باسقا دەڭگەيى، ەرەكشە ءتاسىلى بولدى. مەنىڭ ويىمشا، ۇستازدار مەن وقۋشىلار تاجىربيە جينادى»، - دەيدى تيكتوكەر مۇعالىم.


Ключевые слова: ءبىلىم جانە عىلىم,
Наверх