Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

سولتۇستىك قازاقستاندا قۇس تۇماۋى تىركەلدى

25 Октября 2021 21:13

پەتروپاۆل. قازاقپارات - سولتۇستىك قازاقستان وبلىسىندا تاعى دا قۇس تۇماۋى تىركەلدى.

بۇل جولى تيميريازيەۆ اۋدانىنىڭ درۋجبا ەلدى مەكەنىندە ەكى جۇزدەن استام ءۇي قۇسى قىرىلىپ قالدى، دەپ حابارلايدى قازاقپارات ءتىلشىسى.

س ق و ۆەتەريناريا باسقارماسىنىڭ مالىمەتىنشە، اۋرۋ وشاعى تيميريازيەۆ اۋدانى ينتەرناتسيونال اۋىلدىق وكرۋگىنە قاراستى درۋجبا ەلدى مەكەنىندە تىركەلدى.

وسىنداعى 4 ءۇيدىڭ 228 قۇسى، سونىڭ ىشىندە 174 تاۋىق، 21 قاز جانە 33 كۇركە تاۋىق قىرىلىپ قالعان.

«قۇستاردا اۋرۋعا ءتان بەلگىلەرى بولدى. ياعني دۇرىس جۇرە الماي، باستارىن ارتقا شالقايتا بەردى. دەنە قىزۋى كوتەرىلىپ، ايدارلارى كوگەردى. تۇمسىقتارىنان قان كەتتى. دياگنوزدى راستاۋ ءۇشىن نۇر-سۇلتان قالاسىنداعى ۇلتتىق رەفەرەنتتىك ورتالىققا پاتولوگيالىق ماتەريال ساراپتاماعا جىبەرىلدى. ناتيجەسىندە قۇس تۇماۋى دياگنوزى قويىلدى. اۋرۋ جايىلماس ءۇشىن قۇستاردىڭ 230 ولەكسەسى مال قورىمىندا ورتەلدى. اۋرۋ قوزدىرعىشتارىن جويۋ ماقساتىندا قۇس يەلەرىنىڭ قورا-قوپسىلارى، ۇيلەردىڭ اۋلاسى زارارسىزداندىرىلدى»، - دەيدى ۆەتەرينارلار.

درۋجبا ەلدى مەكەنىندە 88 ءۇي ءتۇتىن تۇتەتىپ وتىر. ولاردىڭ 1700 دەن استام قۇسى بار.

«قۇس تۇماۋى دالا قۇستارىنان جۇققان. اۋرۋ انىقتالعان ۇيلەردىڭ بارلىق قۇستارى جويىلدى. از عانا قۇس قىرىلعاندىقتان ءبىر عانا ءۇي كارانتينگە الىندى. مونيتورينگ كۇندەلىكتى جۇرگىزىلەدى. بارلىق ءتيىستى شارالار جۇزەگە اسىرىلىپ جاتىر. سونىڭ ىشىندە 1600 قۇسقا ۆاكسينا سالىندى. جىلدىڭ ءبىرىنشى جارتى جىلدىعىندا 600 باسقا ەكپە ەگىلگەن ەدى»، - دەيدى وبلىس ۆەتەرينارلارى.

وتكەن ايدا م. جۇمابايەۆ اۋدانىنىڭ لەبياجە اۋىلىندا دا قۇس تۇماۋى تىركەلىپ، مىڭنان استام ءۇي قۇسى قىرىلعان ەدى. ول جولى ەلدى مەكەن تولىقتاي كارانتينگە جابىلدى.

Ключевые слова: ايماق,
Наверх