Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

اۋىلدا ونەر مەكتەبى اشىلدى - الماتى وبلىسى

4 Декабря 2021 13:30

تالدىقورعان. قازاقپارات - الماتى وبلىسىنىڭ سارىوزەك اۋىلىندا 250 ورىندىق ونەر مەكتەبى اشىلدى، دەپ حابارلايدى قازاقپارات ءتىلشىسى.

سارى وزەك اۋىلىندا 4,5 مىڭداي وقۋشى بولسا، سولاردىڭ 3 مىڭى وسى ونەر مەكتەبىنە كەلەتىن بولادى. جاڭا شاڭىراققا وبلىس بيۋدجەتىنەن 300 ميلليون تەڭگەدەن استام قاراجات ءبولىندى. بۇل جەردە وقۋشىلار بەينەلەۋ ونەرىنە ماشىقتانىپ، بي بيلەپ، ءتۇرلى اسپاپتاردا ويناپ ۇيرەنەدى.

«وسى ونەر مەكتەبىنە كەلگەنىمە قۋانىشتىمىن. مەن بۇل ونەر مەكتەبىنە بەينەلەۋدەن قاتىسامىن. مەكتەپكە سۋرەتتى سالۋدى جاقسى كورگەندىكتەن كەلدىم. وسى ونەر مەكتەبىندە ءوزىمنىڭ باعىمدى سىناپ كورەيىن دەپ كەلدىم»، -، دەدى وقۋشى ايزەرە زۋفار.

سارىوزەك اۋىلىندا اشىلعان ونەر مەكتەبى دارىندى بالالاردىڭ تالابىن شىڭدايتىن وڭىردەگى 40- شاڭىراق. ونەر مەكتەبى 40-قا جۋىق ادامدى جۇمىسپەن قامتىدى. ولاردىڭ جارتىسىنان استامى مۇعالىم. ۇستازدار وزدەرىنىڭ ونەرىن اتا- انالار الدىندا پاش ەتىپ، وزدەرىنىڭ كىل مىقتى مامان ەكەنىن كورسەتتى.

«وسى 40 مەكەمەگە 2 ميلليارد تەڭگە قاراجات سالىپ وتىرمىز. ەندىگى جىلى كاسىپكەرلەردى شاقىرساق، وندا تاعى ەكى ميلليارد سونىمەن 4 ميلليارد وسى قوسىمشا ءبىلىم بەرۋ ۇيىمدارىنا بەرىپ وتىرمىز. بۇل ۇلكەن كورسەتكىش، ۇلكەن جاقسىلىق دەپ ويلايمىن»، - دەدى الماتى وبلىستىق ءبىلىم باسقارماسى باسشىسىنىڭ مىندەتىن اتقارۋشى جاڭىل سۇلەيمەنوۆا.

جۋىردا ءدال وسىنداي ونەر مەكتەبى رايىمبەك اۋدانىندا دا اشىلماق. جالپى وبلىس بويىنشا وقۋشىلاردىڭ 71 پايىزى قوسىمشا ءبىلىم بەرۋ مەكەمەلەرىندە ءتالىم الادى.

اۆتور: سامال قابىشيەۆا


Ключевые слова: ايماق,
Наверх