Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

ۇلتتىق بانك: ەكىنشى دەڭگەيلى بانكتەردىڭ ونلاين سەرۆيستەرى كەزەڭ- كەزەڭىمەن قالپىنا كەلتىرىلدى

12 Января 2022 10:46

نۇر- سۇلتان. قازاقپارات – ق ر ۇلتتىق بانكىنىڭ ءتوراعاسى ەربولات دوسايەۆ بانكوماتتاردىڭ جۇمىسىن قامتاماسىز ەتۋ بويىنشا اتقارىلىپ جاتقان جۇمىستار تۋرالى مالىمەت بەردى، دەپ حابارلادى قازاقپارات ءتىلشىسى.

ۇكىمەت وتىرىسىندا ۇلتتىق بانك باسشىسى قارجىلىق تۇراقتىلىقتى، اسىرەسە ۆاليۋتا نارىعىنداعى قارجىلىق تۇراقتىلىقتى قامتاماسىز ەتۋ شارالارى قالاي ىسكە اساتىنىن ايتتى.

«قارجى جۇيەسىنىڭ تۇراقتى جۇمىسىن قامتاماسىز ەتۋ ماقساتىندا ۇلتتىق بانك مىناداي شۇعىل شارالار قابىلدادى. بيىلعى 7-قاڭتاردان باستاپ بۇكىل ەل بويىنشا ەكىنشى دەڭگەيدەگى بانكتەردىڭ ونلاين سەرۆيستەرىنە كىرۋ كەزەڭ- كەزەڭىمەن قالپىنا كەلتىرىلدى. بۇگىننەن باستاپ الماتى قالاسى مەن الماتى وبلىسىن قوسا العاندا، بانكتەردى قولما- قول اقشا قاراجاتىمەن جانە قولما- قول اقشا بەرۋ ءۇشىن بانكوماتتاردىڭ جۇمىسىن قامتاماسىز ەتۋ بويىنشا شارالار قابىلداندى»، - دەدى ەربولات دوسايەۆ.

سونىمەن قاتار، ول 10-قاڭتاردان باستاپ قارجى سەكتورى مەن مەملەكەتتىك بيۋدجەتتىڭ تەڭگەدەگى تولەمدەرىن جۇرگىزۋ ءۇشىن قازاقستان بانكارالىق ەسەپ ايىرىسۋ ورتالىعىنىڭ تولەم جۇيەلەرى شتاتتىق رەجيمدە جۇمىس ىستەي باستاعانىن ەسكە سالدى.

«بانك جۇيەسىنىڭ وتىمدىلىگىن قولداۋ ماقساتىندا قازاقستان قور بيرجاسىندا رەپو وپەراتسيالارى ارقىلى تەڭگەدەگى وتىمدىلىكتى ۇسىنۋ وپەراتسيالارى شەكتەۋسىز كولەمدە جۇرگىزىلۋدە»، - دەدى ۇلتتىق بانك ءتوراعاسى.

Ключевые слова: ةكونوميكا,
Наверх