Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

«قازاقستان حالقىنا» قورىنا قارجى اۋدارعاندا نەلىكتەن كوميسسيا ۇستالادى - اگەنتتىك جاۋابى

20 Января 2022 21:27

نۇر-سۇلتان. قازاقپارات - ق ر قارجى نارىعىن رەتتەۋ جانە دامىتۋ اگەنتتىگى «قازاقستان حالقىنا» الەۋمەتتىك قورىنا قارجى اۋدارۋدا ۇستالاتىن كوميسسيا تۋرالى پىكىر ءبىلدىردى، دەپ حابارلايدى قازاقپارات.

ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا تىلشىلەر «قازاقستان حالقىنا» الەۋمەتتىك قورىنا قارجى اۋدارۋدا بانكتەر نەلىكتەن كوميسسيا ۇستاپ قالاتىنىن سۇرادى.

«ءبىز بۇل ماسەلە جونىندە ەستىدىك، ول باسپا سوزدە كوتەرىلدى. سۇراق دۇرىس قويىلىپ وتىر. قازىرگى ۋاقىتتا بۇل ماسەلەنى قاراستىرۋ ءۇشىن ءتيىستى جۇمىستاردى جۇرگىزەتىن بولامىز. ماسەلە ءالى اشىق قالىپ وتىر، كوميسسيالاردى كەرى قايتارۋ شارالارى ءالى قابىلدانعان جوق»، - دەپ جاۋاپ بەردى قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ دەپارتامەنتىنىڭ ديرەكتورى ا. تەرەنتيەۆ.

ەسكە سالا كەتسەك، مەملەكەت باسشىسى قاسىم-جومارت توقايەۆ ءماجىلىس وتىرىسىندا «قازاقستان حالقىنا» قوعامدىق الەۋمەتتىك قورى قۇرىلاتىنىن، وندا قاي ساناتقا كومەك كورسەتىلەتىنىن ايتقان ەدى.

قوردىڭ قامقورشىلىق كەڭەسى «قازاقستان حالقىنا» قوعامدىق الۋمەتتىك قورىنىڭ ءتوراعاسى قىزمەتىنە بولات جامىشيەۆتىڭ كانديداتۋراسىن ۇسىندى جانە ءبىراۋىزدان قولدادى.


Ключевые слова: بيلئك جانة ساياسات,
Наверх