Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

ءاليحان سمايىلوۆ: الدىمىزدا تۇرعان ەڭ ماڭىزدى ماسەلەنىڭ ءبىرى - ماكروەكونوميكالىق تۇراقتىلىق

21 Января 2022 21:58

نۇر-سۇلتان. قازاقپارات - ۇكىمەت ءىرى بيزنەس وكىلدەرىمەن ءوزارا بىرلەسىپ جۇمىس ىستەۋگە قاشان دا دايىن.

بۇل تۋرالى بۇگىن ق ر پرەمەر-ءمينيسترى ءاليحان سمايىلوۆ مەملەكەت باسشىسىنىڭ وتاندىق بيزنەس وكىلدەرىمەن كەزدەسۋىندە ايتتى، دەپ حابارلايدى قازاقپارات ءتىلشىسى.

«ءىرى كاسىپكەرلىكتىڭ قازاقستان ەكونوميكاسىنداعى ۇلەسى 48 پايىزدى قۇرايدى. سوندىقتان وسى بيزنەس سەگمەنتىنىڭ جاۋاپكەرشىلىگى دە وتە زور. ۇكىمەت بيزنەستىڭ، ونىڭ ىشىندە ءىرى بيزنەستىڭ دە دامۋىنا قولايلى جاعداي جاساۋ ءۇشىن ءتيىستى شارالاردى قابىلدايدى. قازىرگى تاڭدا جاھاندى جايلاعان داعدارىستان كەيىنگى ءبىزدىڭ الدىمىزدا تۇرعان ەڭ ماڭىزدى ماسەلەنىڭ ءبىرى - ماكروەكونوميكالىق تۇراقتىلىقتى قامتاماسىز ەتۋ»، - دەدى ول.

پرەمەر-مينيستر ۇكىمەت پەن ۇلتتىق بانكتىڭ بىرلەسكەن ساياساتى وسى ماقساتقا باعىتتالاتىندىعىن باسا ايتتى.

«بۇل رەتتە، ەڭ كۇردەلى ماسەلەنىڭ ءبىرى - ول ينفلياتسيا دەڭگەيىن تومەندەتۋ»، - دەدى ءاليحان سمايىلوۆ.

ول پرەزيدەنت تاپسىرماسىنا سايكەس ۇكىمەت ءتيىستى جەدەل شارالارمەن بىرگە، جۇيەلى شارالاردى دا ىسكە اسىراتىنىن اتاپ ءوتتى.

«ءبىرىنشى كەزەكتە، بۇل - اۋىلشارۋاشىلىق ونىمدەرىن ءوندىرۋ، ازىق-تۇلىكپەن ىشكى نارىقتى تولىقتىرۋ جانە ازىق-تۇلىك قاۋىپسىزدىگىن قامتاماسىز ەتۋ. مەزگىلارالىق كەزەڭدە ينفلياتسيا قىسىمى مەن سىرتقى فاكتورلاردىڭ اسەرىن تومەندەتۋ ءۇشىن ءتيىستى لوگيستيكا جۇيەسىن قۇرۋ وتە ماڭىزدى. ءىرى كاسىپكەرلەردى وسى جۇمىسقا قاتىسۋعا شاقىرامىز. ۇكىمەت ءىرى بيزنەس وكىلدەرىمەن ءوزارا بىرلەسىپ جۇمىس ىستەۋگە قاشان دا دايىن ەكەنىن ايتقىم كەلەدى»، - دەدى ۇكىمەت باسشىسى.

Ключевые слова: بيلئك جانة ساياسات,
Наверх