Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

قاڭتار تراگەدياسىنىڭ رەسمي حرونولوگياسى دەرەكتى فيلمگە ارقاۋ بولدى

27 Января 2022 07:06

نۇر- سۇلتان. قازاقپارات - «حابار» تەلەارناسى قاڭتار وقيعاسىنا قاتىستى باس پروكۋراتۋرا مەن ىشكى ىستەر مينيسترلىگى تاراتقان رەسمي مالىمەتتەردىڭ جانە ءتۇرلى ۆيدەولاردىڭ باسىن قۇراپ، دەرەكتى فيلم ۇسىندى، دەپ حابارلايدى قازاقپارات ءتىلشىسى.

«تراگيچەسكي يانۆار. كاك ەتو بىلو» دەپ اتالعان دەرەكتى فيلمدە وقيعانىڭ قالاي باستالىپ، نەشە كۇنگە سوزىلعانى، ەرەۋىلدەر كەزىندە الاڭعا شىققان حالىقتىڭ سانى قالاي وزگەرگەنى، الماتىداعى تارتىپسىزدىكتەردىڭ قاندى قىرعىنعا اينالۋ سيپاتى تۋرالى رەسمي نۇسقاداعى مالىمەتتەر بەرىلگەن. سونىمەن، دەرەكتى فيلمدە مىناداي ساندار ايتىلادى.

1-قاڭتار - ماڭعىستاۋ وبلىسىنىڭ جاڭاوزەن قالاسىندا ونداعان ادام الاڭعا شىعىپ، مەملەكەت باسشىلىعىنان كۇرت قىمباتتاپ كەتكەن سۇيىتىلعان گاز باعاسىن ءتۇسىرۋدى سۇرايدى.

2-قاڭتار - كۇن بويىندا شەرۋشىلەردىڭ سانى 600 گە جەتەدى. قاڭتاردىڭ 2 سىنەن 3 ىنە قاراعان ءتۇنى اقتاۋ قالاسىندا جاڭاوزەندىكتەرگە قولداۋ بىلدىرگەن 70 كە جۋىق ادام ىشكى جولداردى جاۋىپ تاستايدى.

3-قاڭتار - نارازىلىق ەلدىڭ 7 ءوڭىرىن (اتىراۋ، اقتوبە، الماتى، شىعىس قازاقستان، باتىس قازاقستان وبلىستارى، الماتى مەن نۇر- سۇلتان قالالارى) شارپىپ، الاڭعا شىققاندار سانى 5500 ادام بولادى.

4-قاڭتار - قازاقستاننىڭ 11 وڭىرىندە شەرۋدە جۇرگەن ادام سانى 37 مىڭعا جەتەدى. الماتىنىڭ وزىندە عانا «الماتى ارەنا» سپورت كەشەنىنىڭ ماڭايىنا 5 مىڭعا جۋىق ادام جينالعان.

5-قاڭتار - سوڭى تارتىپسىزدىككە ۇلاسقان ەرەۋىلدەر اۋماعىندا جۇرگەندەر سانى 50 مىڭعا جەتتى. الماتى قالاسىنداعى ءتۇرلى نىساندارعا شابۋىلداۋشىلار سانى 20 مىڭنان اسقان.

6-قاڭتار - وڭىرلەردەگى تارتىپسىزدىكتەر اۋماعىندا جۇرگەندەر سانى 11 مىڭعا ازايعان.

7-قاڭتار - بەيبىت نارازىلىق شەرۋگە قاتىسۋشىلار سانى 3000 بولدى.

8-قاڭتار - شەرۋلەر تولىق توقتادى. فيلمنىڭ قورىتىندى بولىمىندە باس پروكۋراتۋرا وكىلدەرىنىڭ وسى وقيعالار بويىنشا وتكىزگەن بريفينگتەردە ايتقان دەرەكتەرى كورىنىس تاپقان. ەلدە توتەنشە جاعداي رەجيمى كۇشىندە بولعان كەزەڭدە 225 ادام وپات بولعان.

باس پروكۋراتۋرانىڭ 25-قاڭتارداعى مالىمەتى بويىنشا، جەدەل تەرگەۋ توپتارى 2044 قىلمىستىق ءىس بويىنشا تەرگەۋ جۇرگىزىپ جاتىر. ونىڭ ىشىندە 45 ءىس تەرروريستىك اكت بويىنشا، ءىس تەرروريستىك اكت بويىنشا، 36 ءىس جاپپاي تارتىپسىزدىك بويىنشا، 15 ءىس كىسى ءولتىرۋ بويىنشا قوزعالعان.

ىشكى ىستەر مينيسترلىگىنىڭ 24-قاڭتارداعى دەرەگى بويىنشا، تارتىپسىزدىكتەر كەزىندە 1466 عيمارات پەن كەشەندەرگە شابۋىل جاسالعان. ونىڭ ىشىندە 12 اكىمدىك عيماراتى، 27 پوليتسيا وبەكتىسى بار. 1395 بيزنەس نىسانى تونالعان، زاقىم كورگەن. 700 دەن استام اۆتوكولىك زاقىمدالعان، قيراتىلعان. 25-قاڭتاردا وندىرىستە بولعان قىلمىستىق ىستەر بويىنشا جالپى سوماسى 87 ميلليارد تەڭگەدەن استام شىعىن كەلگەن. دەرەكتى فيلمدە تارتىپسىزدىك كەزىندە زارداپ شەكتى دەلىنگەن اسكەري قىزمەتكەر قۋاندىق قۇسايىنوۆتىڭ شاعىن سۇحباتى بەرىلگەن. ساياسات تانۋشى قازىبەك مايگەلدييەۆتىڭ پىكىرىنشە، دەرەكتى فيلمدە شىنايىلىق كورسەتىلگەن.


Ключевые слова: قوعام,
Наверх