Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

فرانسيانىڭ بالالار تەلەارناسىنىڭ كەيىپكەرلەرى قازاق تىلىندە سويلەي باستادى

18 Мая 2022 08:24

نۇر- سۇلتان. قازاقپارات - فرانسيانىڭ «TiJi» بالالار تەلەارناسىنىڭ كەيىپكەرلەرى قازاق تىلىندە سويلەي باستادى، دەپ حابارلايدى قازاقپارات.

سەيسەنبى كۇنى ق ر اقپارات جانە قوعامدىق دامۋ ءمينيسترى اسقار ۋماروۆتىڭ قاتىسۋىمەن «TiJi» بالالار تەلارناسىنىڭ قازاق تىلىندەگى اۋديوجولاعىنىڭ تانىستىرىلىمى ءوتتى. بۇل جوبانىڭ جۇزەگە اسىرىلۋىنا 2021 -جىلى ايدا بالايەۆا باستاماشىلىق ەتكەن بولاتىن. شاراعا «Groupe M6» كومپانياسىنىڭ تەلەارنالار مەن راديوستانسيالار پورتفەلىن حالىقارالىق ديستريبۋتسيالاۋ جونىندەگى ديرەكتورى جان- رەنە وكۋتيۋرە، «ل ت ي ۆوستوك» ج ش س باس ديرەكتورى، حالىقارالىق ديستريبۋتسيا جونىندەگى ديرەكتور ماريا جابينا- پانتەليك جانە قازاقستان رەسپۋبليكاسىنداعى فرانسيا ەلشىلىگىنىڭ كەڭەسشىسى الەكس بورتولان قاتىستى.





ق ر اقپارات جانە قوعامدىق دامۋ مينيسترلىگىنىڭ باسپا ءسوز قىزمەتىنەن ءمالىم ەتكەندەي، بالالار تەلەۆيزيالىق كونتەنتىن وندىرۋشىلەردى تاڭداۋ كەزىندە بالالار تەلەارنالارىنىڭ وسىنداي جوبالاردى ىسكە اسىرۋداعى تاجىريبەسى جانە حابار تاراتۋ تىلدەرىنىڭ سانى ەسكەرىلگەن. ماسەلەن، «TiJi» ارناسىنىڭ 20 ەلدە 14 ءتۇرلى تىلدە حابار تاراتۋ تاجىريبەسى بار. تەلەارنانىڭ نەگىزگى ميسسياسى - 2 جاستان 7 جاسقا دەيىنگى بالالار ءۇشىن قاۋىپسىز اقپاراتتىق كەڭىستىكتى قامتاماسىز ەتۋ. كەزدەسۋدە اسقار ۋماروۆ مەملەكەت باسشىسى قاسىم- جومارت توقايەۆتىڭ 2022 -جىلدى بالالار جىلى دەپ جاريالاعانىن اتاپ ءوتىپ:

«قازىرگى اقپاراتتىق عاسىردا بالالاردىڭ قارىم- قاتىناس ورتاسىن قالىپتاستىرۋدا مۋلتفيلمدەردىڭ ىقپالى زور. وسىعان بايلانىستى مينيسترلىك الەمگە تانىمال مۋلتيپليكاتسيالىق بالالار ارنالارىن قازاق تىلىنە اۋدارۋ بويىنشا اۋقىمدى جوبانى ىسكە اسىرۋدا. بۇل بالالاردىڭ مەملەكەتتىك تىلگە دەگەن قىزىعۋشىلىعىن ارتتىرۋعا، سونداي- اق وسكەلەڭ ۇرپاقتى تاربيەلەۋگە سەپتىگىن تيگىزەتىنىنە سەنىمدىمىن»، - دەدى ۆەدومستۆو باسشىسى.





ءوز كەزەگىندە جان- رەنە وكۋتيۋرە قازاق ءتىلىنىڭ شۇرايلىعىن اتاپ ءوتتى.

«قازاق ءتىلى - وتە باي ءتىل. ونى ناسيحاتتاۋ ماقساتىندا قازاقستاندىق بالالار ءۇشىن ارنا قۇرۋعا جانە قازاق بالالارىنا ولاردىڭ مەملەكەتتىك ءتىلىنىڭ دامۋىنا ىقپال ەتەتىن ويىن- ساۋىق جانە ءبىلىم بەرۋ كونتەنتىن قالىپتاستىرۋ بويىنشا بىرلەسكەن بۇل جوبا - ءبىزدى وسىناۋ يگى ىسكە ىنتالاندىردى»، - دەدى جان- رەنە وكۋتيۋرە.

بۇگىنگى تاڭدا قازاق تىلىندەگى «TiJi» اۋديوجولاعى تومەندەگى وپەراتورلاردا قولجەتىمدى: الما ت ۆ، TV Commerce، قازاقتەلەكوم، فەرماتا پ ر ك، قاينار مەديا (تالدىقورعان قالاسى)، تەرالاين (نۇر- سۇلتان قالاسى)، ت ت ك (تەمىرتاۋ قالاسى).


Ключевые слова: الةم, مادةنيةت,
Наверх