Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

ق ر ۇ ق ك باسشىسى قاسىم-جومارت توقايەۆقا شەكارانى نىعايتۋ شارالارى تۋرالى باياندادى

24 Мая 2022 17:43

نۇر-سۇلتان. قازاقپارات – ق ر ۇلتتىق قاۋىپسىزدىك كوميتەتىنىڭ ءتوراعاسى ەرمەك ساعىمبايەۆ پرەزيدەنت قاسىم-جومارت توقايەۆقا ۆەدومستۆونىڭ وسى ايدا اتقارعان قىزمەتىنىڭ نەگىزگى قورىتىندىلارى، الداعى كەزەڭگە ارنالعان مىندەتتەرى مەن ۇلتتىق قاۋىپسىزدىك كوميتەتىن رەفورمالاۋ تۋرالى جارلىقتى جۇزەگە اسىرۋ شارالارى تۋرالى ەسەپ بەرىلدى.

قازاقپارات بۇل تۋرالى اقورداعا سىلتەمە جاساپ حابارلايدى.

ەرمەك ساعىمبايەۆ پرەزيدەنتكە ۇ ق ك ورگاندارىنىڭ حالىقارالىق لاڭكەستىككە قارسى ءىس-قيمىلدارى، ەسىرتكى مەن قارۋ-جاراقتىڭ، سونىڭ ىشىندە قاڭتار وقيعاسى كەزىندە ۇرلانعان قارۋلاردىڭ زاڭسىز اينالىمىنا توسقاۋىل قويۋعا، مەملەكەتتىك شەكارالاردى نىعايتۋعا باعىتتالعان شارالار تۋرالى باياندادى.

مەملەكەت باسشىسىنا بەرىلگەن مالىمەتتەرگە سايكەس، اتقارىلعان ءىس-شارالار ناتيجەسىندە ءبىرقاتار حالىقارالىق جانە ايماقتىق ەسىرتكى تاسيتىن جولدار جابىلدى، زاڭسىز اينالىمداعى 15 كەلىدەن استام پسيحوتروپتىق زاتتار مەن 4 توننا پرەكۋرسور تاركىلەندى. قارۋ-جاراق پەن وق-دارىلەردى ساتۋمەن اينالىسقان قىلمىستىق توپتاردىڭ ارەكەتىنىڭ جولى كەسىلىپ، جاسىرىن قويمالار انىقتالدى.

تەرروريزمگە قارسى ورتالىق شتابتىڭ جاۋىنگەرلىك دايىندىق دەڭگەيىن ساقتاۋ ءۇشىن 3 كوماندالىق- شتابتىق جانە 29 جەدەل-تاكتيكالىق وقۋ-جاتتىعۋ جيىنى وتكىزىلدى. ەل شەكاراسىن كۇزەتۋ بارىسىندا 632 قۇقىق بۇزۋشى ۇستالدى. سونىمەن قاتار كاسپيدە 11 شاقىرىمنان استام براكونەرلىك قۇرال تاركىلەندى. قۇنى 230 ميلليون تەڭگەدەن اساتىن ۆاليۋتا مەن التىننىڭ، 77,9 ميلليون تەڭگە بولاتىن تاۋارلاردىڭ جانە 2,5 ميلليون تەڭگە كولەمىندەگى جانار-جاعارمايدىڭ زاڭسىز اينالىمىنا توسقاۋىل قويىلدى.

سونىمەن قاتار مەملەكەت باسشىسىنا ۇلتتىق قاۋىپسىزدىك كوميتەتىن رەفورمالاۋ جونىندەگى تاپسىرماسىنىڭ ورىندالۋ بارىسى، سونىڭ ىشىندە نەگىزگى جەدەل قىزمەتتەرگە ەل باسشىلىعىنىڭ تاپسىرمالارىن جۇزەگە اسىرۋدى قامتاماسىز ەتەتىن جانە وسى سالاداعى قىزمەتتىڭ تيىمدىلىگىن ارتتىراتىن قاجەتتى قۇرىلىمدىق وزگەرىستەر ەنگىزۋ بارىسى تۋرالى باياندالدى.

Ключевые слова: بيلئك جانة ساياسات,
Наверх