Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Атырау облысында коронавируспен 495 адам ауырып жатыр

18 Октября 2021 17:02

АТЫРАУ. ҚазАқпарат – Атырау облысында коронавируспен 495 адам ауырып жатыр. Оның 281-і үйінде, 214 науқас инфекциялық стационарда оқшауланған, деп хабарлайды ҚазАқпарат.

Облыстық денсаулық сақтау басқармасының баспасөз қызметінен мәлім еткендей, кеше қауіпті вирусты 42 адам жұқтырған. Оның ішінде Атырау қаласында 19, Теңіз кен орнында 5 науқас анықталған. Ал, Құрманғазы ауданында – 8, Жылыойда – 5, Индер ауданында 5 адамнан коронавирус инфекциясының белгісі табылған.

Қазір 281 адам үй жағдайында ем-дом алу үшін оқшауланды. Модульді ауруханада – 94, №2 облыстық ауруханада – 19, аудандардағы инфекциялық стационарда – 33, Теңіз кен орнындағы инфекциялық стационарда 68 науқас ем қабылдауда», - деп хабарлады басқарманың баспасөз қызметі.

Сондай-ақ, өңірдегі инфекциялық стационарлардың жансақтау бөлімінде 14 науқас жатыр. Оның ішінде 1 пациент өкпені жасанды желдету аппаратына қосылған. Кеше коронавирус инфекциясынан 1 адам қайтыс болған.

Еске сала кетелік, бұдан бұрын Атырау облысында стационардар 200-ден астам науқас жатқанын жазған едік.


Автор Бек Мұстафа
Ключевые слова: Коронавирус, Статистика, Медицина, Атырау облысы,
Наверх