Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Атырауда былтырғы маусымнан бері 12 мыңнан астам нәресте өмірге келген

2 Августа 2021 05:55

АТЫРАУ. ҚазАқпарат – Атырауда былтырғы маусымнан бері 12 мың 365 бала өмірге келген, деп хабарлайды ҚазАқпарат.

Атырау қалалық жұмыспен қамту, әлеуметтік бағдарламалар және АХАЖ бөлімі мамандарының мәліметінше, былтырғы 1 маусым мен биылғы 30 маусым аралығында жарық дүние есігін ашқан нәрестелердің саны 12 мың 365-ке жеткен. Бұл 2019-2020 жылдардың есепті кезеңінен 1 113 балаға көп.

«Ата-аналар ұлдарына Нұрислам (190), Ибрахим (186), Әлихан (165), Ахмад (160), Әмір (146) есімдерін беруді жөн көрген. Сондай-ақ, Айәділ, Асад, Дамиль есімдері де кездеседі. Ал, қыздарда Айша (294), Айлин (273), Аяла (279), Медина (271), Раяна (228) есімдері көбірек қойылған» -дейді бөлім мамандары.

Еске сала кетелік, бұған дейін Атыраудағы модульдік ауруханада 88 нәресте дүниеге келгенін жазған едік.


Автор Бек Мұстафа
Ключевые слова: Демография, Атырау облысы, Қоғам,
Наверх