Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Бүгін 6 қалада ауа сапасы нашарлайды

18 Октября 2021 04:32

НҰР-СҰЛТАН. ҚазАқпарат – «Қазгидромет» РМК 18 қазан күні Қазақстан қалаларында күтілетін ауа сапасы туралы мәлімет ұсынды, деп хабарлайды ҚазАқпарат.

Дүйсенбі күні қолайсыз метеорологиялық жағдайлар (дәрежесіз) Нұр-Сұлтан және Қостанай қалаларында болжанады.

1-дәрежелі қолайсыз метеожағдай (бір немесе бірнеше ластаушы заттар концентрациясының рұқсат етілген шекті нормадан асып кетуі) Павлодар қаласында күтіледі.

Ал Риддер, Семей және Өскемен қалаларында 2-дәрежелі қолайсыз метеорологиялық жағдайлар (бір немесе бірнеше ластаушы заттар концентрациясының рұқсат етілген шекті нормадан 3-тен жоғары асуы) қалыптасады.

Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.

ҚМЖ жағдайында елді мекендердегі атмосфералық ауаның сапасы нашарлауы ықтимал.


Автор Мира Төлендіқызы
Ключевые слова: Экология, Қазгидромет,
Наверх