Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Елорда полицейлері екі есірткі сатушысын ұстады

23 Июля 2021 13:59

НҰР-СҰЛТАН. ҚазАқпарат – Арнайы операция барысында елодалық полицейлер екі есірткі сатушысын ұстады, деп хабарлайды Нұр-Сұлтан қаласы ПД баспасөз қызметіне сілтеме жасап.

Бұрын ауыр қылмыс жасағаны үшін сотталған 46 және 39 жастағы күдіктілер астана аумағында наша сатуға тырысқан. Барлығы есірткі сатушылардан 4 кг есірткі заттары тәркіленді.

Жеңіс даңғылының бойында полиция «Рено Дастер» автокөлігін тоқтатқан. Оның алдыңғы орындығының астынан өсімдік тектес сұр-жасыл түсті зат оралған үш полиэтилен түйіншегі табылды.

Сонымен қатар 39 жастағы күдіктінің пәтерін тінту кезінде сатуға дайындалған үш наша түйіншегі анықталған. Тәркіленген есірткі заттарының жалпы салмағы – 2 кг 167 гр.

Тәртіп сақшылары 46 жастағы екінші есірткі сатушысының пәтерін де тінтіді. Тінту кезінде күдіктінің үйінен есірткі заттары бар екі полиэтилен пакеті тәркіленді. Сараптаманың қорытындысына сәйкес, тәркіленген нашаның жалпы салмағы – 1 кг 715 гр.

Аталмыш факті бойынша ҚР ҚК-нің 4-бөлімі 296-бабына сәйкес қылмыстық іс қозғалды. Күдіктілер уақытша ұстау изоляторына қамалды. Есірткі заттарының қайдан алынғаны анықталуда.


Ключевые слова: ҚР ІІМ, Есірткімен күрес, Нұр-Сұлтан,
Наверх