Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Қызылордада демалыс орнына келушілерге жезөкшелік қызмет ұсынғандар анықталды

23 Сентября 2021 18:00

ҚЫЗЫЛОРДА. ҚазАқпарат - Қызылорда қаласындағы демалыс орындарына келушілерге жезөкшелік қызмет ұсынғандар анықталды, деп хабарлайды ҚазАқпарат тілшісі.

Қызылордалық жедел уәкілдер жеңгетайлық кәсіптің жолын кесті. Қызылорда қалалық Полиция басқармасының полицейлері «Стоп-трафик» жедел алдын алу шарасы аясында қала орталығында орналасқан 3 демалыс орнының бірінен жезөкшелік қызмет көрсетілетінін анықтады.

«Полицияға аталған қоғамдық орын клиенттеріне жезөкшелік қызмет ұсынылады деген хабар түскен еді. Тексеру шарасы барысында аталған ақпарат расталды. Бұл бойынша полицейлер жезөкшелікпен айналысуға арналған притондар ұйымдастыру немесе ұстау және жеңгетайлық бойынша деректі тіркеді. Қазір сотқа дейінгі тергеп-тексеру амалдары жүргізілуде. Тергеу оқиғаның толық мән-жайларын анықтауда. Қазіргі уақытта ұсталғандардың үстінен қылмыстық іс қозғау мәселесі қарастырылуда. Ал жезөкшелікпен айналысқан әйелдер тіркеуге алынды», - деп мәлім етті Қызылорда қалалық Полиция басқармасынан.

Еске салсақ, бұдан бұрын Қызылорда облысында ірі есірткі алқабы анықталды.



Автор Әділжан Үмбет
Ключевые слова: Қызылорда облысы, Қылмыспен күрес,
Наверх