Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

Павлодар облысында браконьерлер екі сілеусін мен бір елік атып алған

18 Января 2022 12:52

ПАВЛОДАР. ҚазАқпарат - Ұсталғандардың арасында үш алматылық бар, деп хабарлайды ҚазАқпарат тілшісі.

«Баянауыл ауданы, Қызылтау ауылдық округі аумағында сирек кездесетін жануарларды заңсыз аулағаны үшін тоғыз ер адам ұсталды. О ның үшеуі - Алматы қаласының тұрғындары. Сондай-ақ, ұсталғандардан сілеусіннің екі терісі мен еліктің тұтас денесі тәркіленді»,-деп хабарлады Павлодар облысы полиция департаментінің баспасөз қызметі.

Тәртіп сақшыларының айтуынша, браконьерлер 2 қаңтарда жануарларды атып өлтірген.

«Павлодар облысында сілеусін аулауға тыйым салынған, ал елік аулауға 2022 жылдың 1 қаңтарынан тамызы айына дейін тыйым салынды», - деп толықтырды ПД.

Заңсыз аң аулау фактісі бойынша сотқа дейінгі қылмыстық тергеу басталды, сараптама тағайындалды.

2021 жылы табиғатты қорғау полицейлері заңсыз аң аулаудың 481 жағдайын анықтады.


Ключевые слова: Браконьер, Экология, Оқиға, Павлодар облысы,
Наверх