Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Семейде қоғамдық орында маска тақпай жүргендерге 400 мың теңгеге жуық айыппұл салынды

15 Мая 2021 20:17

СЕМЕЙ. ҚазАқпарат – Шығыс Қазақстан облысында карантин шектеулерін сақтамайтындар әлі де анықталуда, деп хабарлайды ҚазАқпарат тілшісі.

Өңірде арнайы құрылған мониторингтік топтар карантин талаптарының сақталуын қадағалау үшін қоғамдық көліктерде, дүкендерде, дәріханалар мен басқа да мекемелерде күн сайын рейд жүргізуде.

«14 мамыр күні Семей қаласында 298 объекті тексерілді. Облыстың Бас санитарлық дәрігері белгілеген шектеу шараларын бұзудың 5 фактісі тіркелді. Нақты айтқанда, сауда орындарында, қоғамдық тамақтану объектілеріне маска режимін сақтамағандар анықталды. 379 210 теңге сомасына 3 хаттама толтырылды. Сондай-ақ бұрын тіркелген бұзушылықтар бойынша 87 510 теңге мөлшерінде 2 айыппұл өндірілді», - делінген ШҚО Ақпарат орталығы таратқан мәліметте.

Курчатов қаласында тексеру барысында 29 нысан қамтылған. Ал Бесқарағай ауданында 21 объекті тексерілді. Карантин талаптарын бұзу фактілері тіркелген жоқ. Сонымен қатар Үржар, Абай, Шемонаиха, Күршім, Зайсан және Аягөз аудандарында рейдтер жүргізілді, бұзушылықтар анықталған жоқ.


Наверх