Погода
Нур-Султан +7 °С
Алматы +14 °С
Курс валют
USD 449.85
EUR 485.43
RUB 5.71
CNY 70.69

Семейде көктайғақтан 100-ге жуық адам зардап шекті

17 Января 2022 20:36

СЕМЕЙ. ҚазАқпарат – Семейде көктайғақтан 100-ге жуық адам зардап шекті, деп хабарлайды ҚазАқпарат тілшісі.

Соңғы күндері Семей қаласының көшелерін көк мұз басқан. Осыған байланысты бүгін 0-11 сынып оқушылары мектепке бармай, сабақты онлайн оқыды.

ШҚО Денсаулық сақтау басқармасы баспасөз қызметінің мәліметіне сүйенсек, демалыс күндері шаһар бойынша көктайғақ салдарынан жарақат алғандар саны күрт өскен.

«Нақты айтқанда, 15-16 қаңтар аралығында медициналық мекемелерге 65 адам жүгінді. Ал 17 қаңтар күні әзірге зардап шеккен 36 адам, оның ішінде 6 бала тіркеліп отыр. Осы ретте, тұрғындарға көктайғақ кезінде барынша абай болу қажеттігін ескертеміз. Егер қандай да бір жарақат алсаңыз міндетті түрде дәрігерге қаралу керек», - делінген ақпаратта.

Естеріңізге сала кетсек, осыған дейін Шығыс Қазақстан облысында ауа райы қолайсыздығына байланысты бірқатар тасжол жабылғандығы хабарланған.


Наверх