Погода
Астана +7 °С
Алматы +14 °С
Курс валют
USD 421.58
EUR 496.83
RUB 5.53
CNY 62.20

Шу тұрғындарынан 300 мың дозадан астам «марихуана» тәркіленді

22 Июля 2021 19:23

ТАРАЗ. ҚазАқпарат – Жамбылдық полицейлер Шу қаласының тұрғындарынан 30 келі есірткі затын тапты,-деп хабарлайды ҚазАқпарат тілшісі.

«Қарасора-2021» республикалық жедел-алдын алу іс-шарасы аясында Жамбыл облысы ПД Есірткі қылмысына қарсы іс-қимыл басқармасының қызметкерлері Шу ауданының құмды аймағында жедел-іздестіру іс-шараларын жүргізу кезінде 27 және 61 жастағы жергілікті тұрғындарды ұстады. Тінту барысында олардан жалпы салмағы 30 келіге жуық «марихуана» есірткі заты табылып, тәркіленді. Алынған есірткі затының салмағы 300 мың дозадан асады. Қара нарықта есірткінің мұндай мөлшерінің құны-шамамен 3 миллион теңге болады.

«Қазақстан Республикасы Қылмыстық кодексінің 296-бабы 4-бөлігі (Аса ірі мөлшерде есірткі заттарын заңсыз сақтау) бойынша сотқа дейінгі тергеу амалдары басталды. Аталған қылмысты жасағаны үшін 3 жылдан 7 жылға дейінгі мерзімге бас бостандығынан айыру түріндегі жаза қарастырылған», - деді Жамбыл облысының Полиция департаменті Есірткі қылмысына қарсы іс-қимыл басқармасының бастығы полиция полковнигі Асқар Жұмабеков.

Ұсталғандар кінәсін толық мойындап, Шу қаласының уақытша ұстау изоляторына қамаққа алынды.


Автор Сая Сембай
Ключевые слова: Есірткімен күрес, Жамбыл облысы, Қылмыспен күрес,
Наверх